05:52 29 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Հայաստան
Ստանալ կարճ հղումը
24020

Գործատուներն իրենց կազմակերպություններում առկա թափուր հաստիքները լրացնելու լուրջ խնդիր ունեն։

ԵՐԵՎԱՆ, 13 դեկտեմբերի — Sputnik. Այս պահին 4000 թափուր աշխատատեղ կա, և դժգոհությունները, որ աշխատանքի դիմաց շատ ցածր են վարձատրում, միշտ չէ, որ արդարացված են։ Այս մասին այսօր իր տարեվերջյան ամփոփիչ ասուլիսի ժամանակ ասաց ՀՀ աշխատանքի և սոցիալական հարցերի նախարար Զարուհի Բաթոյանը:

Որքան է նվազագույն աշխատավարձն ավելացել ՀՀ–ում

«Մեր կայքում տեղադրված է բոլոր աշխատատեղերի մասին մանրամասն ինֆորմացիա` աշխատանքի նկարագրությամբ և աշխատավարձի չափով: Այս տարի աշխատանքի 10 տոնավաճառ ենք անցկացրել ու գործատուներն ասում էին, որ իրենց կազմակերպություններում թափուր հաստիքները լրացնելու լուրջ խնդիր ունեն։ Աշխատավարձերն էլ սկսվում են 150 000 դրամից»,–ասաց նախարարը։

Միքայելյան. «Աշխատատեղերի ավելացումը զգալի չափով պայմանավորված է սեզոնային գործոնով»

Բաթոյանի խոսքով` այս տարի զբաղվածության գործակալության միջոցով ավելի քան 11 000 մարդ է աշխատանքի ընդունվել, որոնցից 7794-ը կանայք են, 3483–ը` երիտասարդներ, իսկ 203-ը` հաշմանդամություն ունեցող անձինք: Ըստ նրա` աշխատանքը պետք է դառնա աղքատության հաղթահարման եթե ոչ միակ, ապա հիմնական սկզբունքը: Նախարարը նշեց, որ ճիշտ է, պետությունը գործատու չէ, սակայն պետք է հնարավորություններ ստեղծի, որ մարդիկ կարողանան աշխատել:

«Աշխատանքի խրախուսման նպատակով առաջիկայում կքննարկենք պայմանով նպաստի ներդրումը։ Այն ենթադրում է, որ պետությունը կօգնի աշխատանք գտնել այն մարդկանց, որոնք ունեն մասնագիտություն, սակայն դուրս են մնացել զբաղվածության ծրագրերից։ Այսինքն` պետությունը նման մարդկանց նպաստ կտա այնքան ժամանակ, քանի դեռ մարդը չի անցել աշխատանքի»,–ասաց նախարարը` հավելելով, որ եթե նախարարության առաջարկած աշխատանքից անձը երկու անգամ հրաժարվի` դուրս կմնա նպաստի համակարգից:

Աշխատավարձերի վարկանիշն ԱՊՀ–ում. Հայաստանը 5-րդ հորիզոնականում է

Հիշեցնենք, որ նոյեմբերի 15–ին 2020թ.–ի բյուջեի նախագծի քննարկման ժամանակ ՀՀ վարչապետ Նիկոլ Փաշինյանը հայտնել էր, որ իր մասնակցությամբ բացված վերջին 2 ձեռնարկություններում, սեփականատերերի հավաստմամբ` ավելի քան 1000 թափուր աշխատատեղ կա, և նրանք չեն կարողանում աշխատող գտնել։

Ըստ թեմայի

Նվազագույն աշխատավարձը կբարձրանա 13 հազար դրամով
«Արմենալը» 10 %-ով բարձրացրել է ավելի քան 530 աշխատակիցների վարձատրությունը
«Կա՛մ բանկում պիտի աշխատենք, կա՛մ արտագաղթենք». գիտնականները ֆինանսավորում են պահանջում
թեգերը:
Հայաստան, աշխատավարձ, աշխատատեղ, աշխատանք, Զարուհի Բաթոյան

Գլխավոր թեմաներ