19:39 03 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հայաստան
Ստանալ կարճ հղումը
Ռոբերտ Քոչարյանի գործը (441)
22111

Նախկին պատգամավորը վստահ է, որ Հայաստանում առնվազն մի քանի հազար մարդ պատրաստ է դուրս գալ փողոց` նախկին նախագահ Ռոբերտ Քոչարյանին կալանքից ազատելու համար։

ԵՐԵՎԱՆ, 18 դեկտեմբերի — Sputnik. Հայաստանի երկրորդ նախագահ Ռոբերտ Քոչարյանի կողմնակիցները նրա խափանման միջոցը փոխելու պահանջով հանձնախումբ են ստեղծել։ Նախաձեռնող խմբի համակարգող, դաշնակցական նախկին պատգամավոր Աղվան Վարդանյանն այսօր` դեկտեմբերի 18–ին, լրագրողների հետ հանդիպման ժամանակ ասաց, որ որոշ ժամանակ առաջ հասարակական, քաղաքական, մշակույթի, մարզաշխարհի շուրջ հարյուր գործիչ ստորագրահավաք են կազմակերպել` Քոչարյանին ազատ արձակելու կոչով։ Նախաձեռնող խումբը ստեղծվել է այդ ստորագրահավաքի հիման վրա։

Նախաձեռնող խումբն առաջիկայում հանդիպումներ կունենա դատական իշխանության ներկայացուցիչների, Բարձրագույն դատական խորհրդի, Հայաստանի օմբուդսմանի, արտասահմանյան երկրների դեսպանների, միջազգային և տեղի իրավապաշտպան կառույցների հետ։

Ռոբերտ Քոչարյանին դուրս են գրել հիվանդանոցից. մեկնաբանություն «Իզմիրլյան» ԲԿ–ից

«Մենք պետք է ցանկացած օրինական միջոցով հասնենք Քոչարյանի խափանման միջոցը փոխելուն` կարծելով, որ կալանքն անօրինական է։ Նրան ուղղակի մեղավոր են նշանակել 2008թ–ի մարտի 1–ի ողբերգական իրադարձություններով։ Ակնհայտ է՝ ներկայացված մեղադրանքը որևէ կապ չունի 10 զոհի մահվան հանգամանքների բացահայտման հետ», – ասաց Վարդանյանը։

Նա հաղորդեց, որ վերջին երկու ամիսներին Քոչարյանին ազատ արձակալու պահանջով ստորագրահավաք է սկսվել։ Հիմա հավաքվել է Հայաստանի և Արցախի քաղաքացիների մոտ 60 հազար ստորագրություն։ Վարդանյանի խոսքով` իշխանությունների մոտեցումներում ոչ մի փոփոխություն չկա։

Նա համոզված է նաև, որ հասարակության մասնատվածության և լարվածության պատճառներից մեկը Քոչարյանի կալանքն է։

«Ռոբերտ Քոչարյանին բանտախցում պահելը ոչինչ չի տալիս ո՛չ որևէ քաղաքացու, ո՛չ էլ պետությանը։ Այս վիճակից պետք է դուրս գալ։ Ամենապարզ միջոցը ՀՀ երկրորդ նախագահի խափանման միջոցը փոխելն է։ Այդ նպատակով էլ ստեղծվել է նախաձեռնող խումբը», – հայտարարեց նա։

Գագիկ Ջհանգիրյանը դատական հայց է ներկայացրել Ռոբերտ Քոչարյանի դեմ

Վարդանյանը բողոքել է նաև նրանից, որ մինչև հիմա ո՛չ երկրի նախագահը, ո՛չ հոգևորականներից որևէ մեկը ելույթ չի ունեցել Քոչարանի կալանքի հետ կապված, գնահատական չի տվել դրան։

Վարդանյանին հարցրին, թե պատրա՞ստ են արդյոք 60 հազար ստորագրածները դուրս գալ փողոց` երկրորդ նախագահին ազատելու պահանջով։ Քաղաքական գործիչը կոչ արեց այդ հարցն ուղղել հենց քաղաքացիներին։ Նա ենթադրում է, որ համենայն դեպս, մի քանի հազարը պատրաստ է փողոցային պայքար մղել։

թեմա:
Ռոբերտ Քոչարյանի գործը (441)

Ըստ թեմայի

Ինձ համար տհաճ է կանգնել այստեղ ու փորձել համոզել, որ չեմ փախչելու. Ռոբերտ Քոչարյան
Դատարանը մերժեց Ռոբերտ Քոչարյանին գրավի դիմաց ազատ արձակելու միջնորդությունը
Ընդդիմություն պետք է, բայց ոչ Սերժ Սարգսյանը ու Ռոբերտ Քոչարյանը. Ալեն Սիմոնյան
Պեսկովը խոսել է Ռոբերտ Քոչարյանի և Պուտին–Փաշինյան հարաբերությունների մասին
թեգերը:
Հայ Յեղափոխական Դաշնակցություն (ՀՅԴ), Աղվան Վարդանյան, Հայաստան, ստորագրահավաք, Դատարան, Քրեական գործ, Ռոբերտ Քոչարյան

Գլխավոր թեմաներ