00:32 02 ապրիլի 2020
Ուղիղ եթեր
  • USD504.96
  • GBP624.08
  • EUR552.07
  • RUB6.40
Հայաստան
Ստանալ կարճ հղումը
98 0 0

ՀՀ ոստիկանապետի ԺՊ Արման Սարգսյանը լրագրողների հետ զրույցում խոստացել է, որ նախաքննության շրջանակներում Նարեկ Սարգսյանի գործի ընթացքի վերաբերյալ տեղեկություններ կտրամադրվեն։

ԵՐԵՎԱՆ, 21 դեկտեմբերի–Sputnik. Նարեկ Սարգսյանին վերաբերող հետագա քայլերի ու գործողությունների մասին կտեղեկացվի նախաքննության շրջանակներում։ Այս մասին այսօր լրագրողների հետ զրույցում տեղեկացրեց ՀՀ ոստիկանապետ Արման Սարգսյանը։

«Միայն կարող եմ ասել, որ այս պահին Նարեկ Սարգսյանը քրեակատարողական հիմնարկում է»,– նշեց Սարգսյանը։

Հիշեցնենք, որ Չեխիայում Ֆրանկլին Գոնսալես ներկայացող ՀՀ երրորդ նախագահ Սերժ Սարգսյանի եղբորորդին` Նարեկ Սարգսյանն այսօր ոստիկանների ուղեկցությամբ տեղափոխվել է Հայաստան։

ՀՀ գլխավոր դատախազի խորհրդական Գոռ Աբրահամյանը դեռևս դեկտեմբերի 10-ին տեղեկացրել էր, որ Չեխիայի Հանրապետության իրավասու մարմինների կողմից որոշում է կայացվել բավարարել հետախուզվող Նարեկ Սարգսյանին քրեական հետապնդման ենթարկելու նպատակով Հայաստանի Հանրապետության իրավապահ մարմիններին հանձնելու մասին` Հայաստանի Հանրապետության գլխավոր դատախազության միջնորդությունը։

Ոստիկանությունը գտել է Ալեքսանդր Սարգսյանի որդուն. նա թաքնված էր Ֆրանկլին Գոնսալեսի անվամբ

ՀՀ իրավապահներն արդեն մեկ տարի սպասում էին Չեխիայի իշխանությունների այս որոշմանը։

Միջազգային հետախուզման մեջ գտնվող Նարեկ Սարգսյանը հայտնաբերվել և ձերբակալվել էր 2018թ.–ի դեկտեմբերի 6-ին Պրահայում։ Հայտնաբերման պահին նա ներկայացրել է Գվատեմալայի քաղաքացու կեղծ անձնագիր՝ Ֆրանկլին Գոնսալեսի անհատական տվյալներով:

Նարեկ Սարգսյանի հայտնաբերման մասին տեղեկությունը փոխանցվել էր ՀՀ գլխավոր դատախազությանը՝ նրա` Հայաստան տեղափոխելու գործընթացը կազմակերպելու նպատակով: Այդ պահից սկսած` Գլխավոր դատախազությունը հայտարարում է, որ ներկայացրել է անհրաժեշտ փաստաթղթերն ու սպասում է չեխական կողմի պատասխանին։

Սերժ Սարգսյանի տոնական ուղերձը մարգարեակա՞ն էր. համերաշխությունից մինչև Ֆրանկլին Գոնսալես

2018թ.–ի հունիսի 26-ին հարուցվել էր քրեական գործ՝ քրեական օրենսգրքի ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով:

2018թ.–ի հուլիսի 6-ին Նարեկ Սարգսյանի նկատմամբ հայտարարվել էր հետախուզում, հուլիսի 24-ին՝ միջազգային հետախուզում:

Ըստ թեմայի

Նարեկ Սարգսյանն այդքան շուտ Հայաստան չի գա. Զեյնալյանը հիշեցնում է նրա իրավունքների մասին
Դատախազությունը հաստատեց. Նարեկ Սարգսյանին արտահանձնելու որոշումը կայացվել է
Չեխ նախարարը Նարեկ Սարգսյանին արտահանձնելու համաձայնություն չի տվել. Հայկ Սարգսյան
Հայտնի է` երբ տեղի կունենա Նարեկ Սարգսյան–Գոնսալեսի արտահանձնումը. «Իրավունք»
թեգերը:
Քրեակատարողական հիմնարկ (ՔԿՀ), Հայաստան, Ֆրանկլին Գոնսալես, Սերժ Սարգսյան, Նարեկ Սարգսյան

Գլխավոր թեմաներ