03:10 27 փետրվարի 2020
Ուղիղ եթեր
  • USD478.39
  • GBP619.28
  • EUR520.92
  • RUB7.28
Հայաստան
Ստանալ կարճ հղումը
99 0 0

ՀՀԿ խոսնակ Էդուարդ Շարմազանովը լրագրողների հետ հանդիպմանն ամփոփել է 2019թ.–ի տնտեսական ցուցանիշներն ու դրանք համեմատել իշխանության տված խոստումների հետ։

ԵՐԵՎԱՆ, 24 դեկտեմբերի — Sputnik. 2019 թվականը ՀՀ վարչապետ Նիկոլ Փաշինյանի և իշխող քաղաքական թիմի համար չիրականացրած խոստումների տարի էր: Այս մասին այսօր տարեվերջյան ամփոփիչ ասուլիսում հայտարարեց ՀՀԿ խոսնակ Էդուարդ Շարմազանովը։

«Մեկ տարի առաջ ՀՀ 6-րդ գումարման ԱԺ–ն ավարտեց իր աշխատանքները։ Արտահերթ ընտրությունների հիմնական շարժառիթը, ըստ Փաշինյանի, այն էր, որ ՀՀԿ-ն, նախկին իշխանությունները հնարավորություն չեն տալիս, որ երկիրը զարգանա, որ լինեն ներդրումներ, լինի ներգաղթները, թոշակների բարձրացում, որ լինի թռիչքային զարգացում և այլն: Մեկ տարի անց մենք ունենք չիրականացված խոստումներ: Չկա ներգաղթ, ավելին, ըստ պաշտոնական տվյալների, շուրջ 12 հազար մարդով պակասել է ՀՀ բնակչության թիվը: Չկան նոր ներդրումներ, շուրջ 60 մլն դոլարով կրճատվել են ներդրումները: Չկա որևէ տնտեսական լուրջ հեղափոխություն, ինչի մասին խոսում էր Փաշինյանը»,– ասաց Շարմազանովը։

ՀՀԿ խոսնակը նշեց` մինչև ՀՀԿ–ի պաշտոնանկությունը պետությունն ունեցել է երկնիշ տնտեսական աճ` 10.5 տոկոսով, մինչդեռ Փաշինյանի ներկայացրած բյուջեն նախատեսում է 4.9 տոկոսանոց աճ։

Հեղափոխության շնորհիվ բարձրացել է ծնելիությունը. Փաշինյանը թվեր է ներկայացրել

«Խնդրում եմ համեմատեք. եթե Փաշինյանը խոստանում է թռիչքային զարգացում, ապա 10.5-ից իջել են 4.9-ը, կամ նույնիսկ 7, ինչպես իրենք են հիմա կանխատեսում, ապա որևէ թռիչքային զարգացման մասին խոսք լինել չի կարող»,– ասաց ՀՀԿ խոսնակը։

Շարմազանովի խոսքով` իշխանության հայտարարությունը տնտեսական հեղափոխության մասին` իրականությանը չի համապատասխանում, ներկայացվող թվերն էլ միֆ են։ Փոխարենը թռիչքային կերպով ու հանրությունից թաքուն, ըստ Շարմազանովի, ՀՀ իշխանությունը բարձրացրել է նախարարների աշխատավարձերը։ Միայն ԱԺ–ում, նրա խոսքով, այս տարի 14 անգամ պարգևավճարներ են ստացել։

«Եվ այսպես...». Փաշինյանը տնտեսության ոլորտում դրական փոփոխության նոր թվեր է հրապարակել

Չարդարացված ծախսերի թվում ՀՀԿ խոսնակը շեշտեց վարչապետի արտասահմանյան այցերի ծախսերը, մասնավորապես` Լոս Անջելես թռչելու համար տրամադրված 350 հազար դոլարը։ Նա չարդարացված ծախսեր համարեց նաև 2 մլն դոլարով Փաշինյանի կառավարական առանձնատունը վերանորոգելը, շուրջ 1 մլն դոլարի տարբեր գնումներ անելն ու 5 մլն դրամով ԱԺ բակում կես ժամ գորգ լվանալը։

«Սա է այն ձեռքբերումը, որը տնտեսական հեղափոխության միջոցով իրականացրել է Փաշինյանի կառավարությունը»,– ասաց Շարմազանովը։

ՀՀԿ խոսնակի մեկնաբանությամբ` չկա ոլորտ, որտեղ ՀՀ–ն 2019թ.–ին ունեցած լինի լուրջ առաջընթաց։

Որքանո՞վ են ավելացել ՀՀ խոշոր հարկատուների վճարած հարկերը. Փաշինյանը նոր թվեր է հրապարակել

Ըստ թեմայի

Երրորդ քայլն անելու ժամանակն է. Էդուարդ Շարմազանով
Բոլոր ոլորտներում Փաշինյանը պարտվում է անցյալի իշխանություններին. Շարմազանով
«Ես լոռեցի եմ, բայց նույնիսկ ես այդքան միամիտ չեմ». Շարմազանովը միացել է բողոքի ակցիային
Արսեն Բաբայանի ձերբակալումը ՍԴ նախագահի դեմ սկսած օպերացիայի հերթական սերիան է. Շարմազանով
Ես` ընդդիմադիր լոռեցի միամիտ գործիչս, Փաշինյանի ո՞ր ասածը հիմք ընդունեմ. Շարմազանով
թեգերը:
ընդդիմություն, Իշխանություն, «Իմ քայլը» դաշինք, Հայաստանի Հանրապետական կուսակցություն (ՀՀԿ), Նիկոլ Փաշինյան, Էդուարդ Շարմազանով

Գլխավոր թեմաներ