02:56 05 հունիսի 2020
Ուղիղ եթեր
  • USD482.11
  • GBP603.94
  • EUR539.87
  • RUB6.97
Հայաստան
Ստանալ կարճ հղումը
92 0 0

Նախարարը ՀՀ քաղաքացիներին հորդորեց ձվադրման շրջանում սիգ չգնել, ինչը կնպաստի, որ այդ շրջանում սիգ չորսան։

ԵՐԵՎԱՆ, 25 դեկտեմբերի — Sputnik. Սիգի վաճառքն օրինական լինել չի կարող` անկախ հանգամանքից` այն վաճառվում է մայթերին, խանութում, թե ռեստորանում։ Իր տարեկան ամփոփիչ ասուլիսի ժամանակ հայտարարեց ՀՀ շրջակա միջավայրի նախարար Էրիկ Գրիգորյանը։

«Շատերին թվում է` մայթերին վաճառվող սիգն ապօրինի է, իսկ խանութում վաճառելն օրինական է, քանի որ խանութում այն վաճառելու համար 5 տոկոս շրջանառության հարկ են վճարում։ Սակայն բոլոր դեպքերում էլ ապօրինի է սիգի վաճառքը, քանի որ դրա որսը թույլատրված չէ»,–ասաց նախարարը` հավելելով, որ հնարավոր սողանցքները փակելու համար օրենքի փոփոխություններ կկատարվեն։

Գրիգորյանը նշեց, որ այսօր իսկ հրաման է շրջանառության մեջ դրվել, ըստ որի` Գեղարքունիքի մարզպետարանը, բնապահպանության և ընդերքի տեսչական մարմինը, Շրջակա միջավայրի նախարարությունը, ոստիկանությունը և ՊԵԿ–ը պետք է ուսումնասիրեն սիգի ապօրինի վաճառքը։ Բացի այդ, նախարարը հորդորեց ՀՀ քաղաքացիներին գոնե ձվադրման շրջանում սիգ չգնել, ինչը, ըստ նրա, կնպաստի, որ այդ շրջանում սիգ չորսան։ 

Ըստ գիտնականների` Սևանը 2020–ին էլ կկանաչի. Էրիկ Գրիգորյան

Անդրադառնալով «Սևան» ազգային պարկի կողմից սիգի որսի հսկողությանը` Էրիկ Գրիգորյանը նշեց, որ բավարարված չէ կառույցի տարած աշխատանքով, ինչի համար կան օբյեկտիվ ու սուբյեկտիվ պատճառներ։

«էլի մենք խփում ենք ցածր խավին». Երևանում տեղական տուրքերի դրույքաչափերը կբարձրանան

«Սուբյեկտիվ պատճառներից մեկն այն է, որ աշխատակիցները պետք է ավելի ջանասիրաբար աշխատեն, սակայն, մյուս կողմից, նրանց աշխատանքն ավարտվում է 18։00–ին։ Այսինքն` ժամը 18–ից հետո հնարավոր որսը չի հսկվում»,–ասաց նա։

Հիշեցնենք, որ նոյեմբերի 1–ին «Սևան» ազգային պարկի տնօրեն Վահե Գուլանյանն աշխատանքից ազատման դիմում էր գրել։ Գուլանյանը կառույցի տնօրենի պաշտոնում էր 2017 թ.-ից, իսկ մինչ այդ 2 տարի տնօրենի ժամանակավոր պաշտոնակատար է եղել:

Ովքեր են թույլ տվել Սևանից սիգ արդյունահանել. ԱԱԾ–ի բացահայտումը

Ըստ թեմայի

Սևանից շարունակում են սիգ գողանալ, ինչպե՞ս է հնարավոր լուծել հարցը. Սաթիկ Բադեյան
Սևանում սիգ որսացողներին բերման են ենթարկել. պայքարն ուժեղացվում է
Սևանի սիգի մասին տվյալներ այս տարի չեն լինի. ո՞ւմ է ձեռնտու սիգի պաշարների անհայտ մնալը
Դատախազությունը հասավ սիգին. բացահայտել են մամուլում արդեն հրապարակված փաստերը
թեգերը:
«Սևան» ազգային պարկ, Սևանա լիճ, Սևան, ձկնորս, որս, Ապօրինի, Էրիկ Գրիգորյան, Նախարար, ձուկ

Գլխավոր թեմաներ