ԵՐԵՎԱՆ, 26 դեկտեմբերի — Sputnik. ՀՀ վարչապետ Նիկոլ Փաշինյանը 2019 թվականն ամփոփում է լավ տրամադրությամբ։ Նա այս մասին ասաց կառավարության` այս տարվա վերջին նիստի ժամանակ։
«Այս տարվա նոյեմբերը տնտեսական հաջողությունների առումով ռեկորդային էր. տնտեսական ակտիվության 10.1 տոկոս ցուցանիշ ունենք։ Բացի այդ, ապրանքների արտահանման 25.7 տոկոս աճ ունենք, իսկ 11.9 տոկոսով էլ առևտրի ծավալներն են ավելացել»,– ասաց Փաշինյանը։
ՀՀ էկոնոմիկայի նախարար Տիգրան Խաչատրյանն էլ հավելեց, որ այս տարվա 11 ամիսներին, նախորդ տարվա նույն ժամանակահատվածի համեմատ, կոնյակի արտահանման 27 տոկոս աճ է գրանցվել, իսկ գինիների դեպքում արտահանման ցուցանիշն ավելացել է 50 տոկոսով։
«Մրգային գինիների արտահանման 75 տոկոս աճ ունենք։ Բացի այդ, շոկոլադի արտահանման 15 տոկոս աճ ունենք, որը նորություն է Հայաստանի համար։ Ունենք նաև վարունգի ու ելակի արտահանման աճ։ Այս բոլորը նշանակում է, որ տարին կամփոփենք 7.5 տոկոս տնտեսական աճով։ 2020 թվական ենք մտնելու շատ լավ տնտեսական հիմքով»,–ասաց նախարարը։
Հայաստանում տնտեսական մենաշնորհներ չկան, կոռուպցիա չկա և չի կարող լինել. Խաչատրյան
Հիշեցնենք, որ Փաշինյանն ավելի վաղ հայտնել էր, որ 2019-ի հունվար-հոկտեմբերին, նախորդ տարվա նույն ժամանակահատվածի համեմատ, Հայաստանի տնտեսական ակտիվության ցուցանիշի աճը կազմել է 7.1%: