23:51 01 ապրիլի 2020
Ուղիղ եթեր
  • USD504.96
  • GBP624.08
  • EUR552.07
  • RUB6.40
Հայաստան
Ստանալ կարճ հղումը
10610

Թավադյանի փաստաբանը տեղեկացրեց, որ պաշտպանների ներկայացրած բողոքի մերժման հիմնավորումներին ծանոթանալուց հետո այն կբողոքարկեն։

ԵՐԵՎԱՆ, 26 դեկտեմբերի — Sputnik. «5-րդ ալիք» հեռուստաընկերության սեփականատեր Արմեն Թավադյանին 2 ամսով կկալանավորեն։ Երևանի ընդհանուր իրավասությունների դատարանի Կենտրոն-Նորք Մարաշ նստավայրում այսօր մերժվել է պաշտպանների ներկայացրած բողոքը ձերբակալման իրավաչափության մասով և բավարարել է քննիչի միջնորդությունը, լրագրողներին հայտնեց Թավադյանի պաշտպան Հովհաննես Խուդոյանը։

«Որոշումը այսօր կտրամադրեն, դրա հիմնավորումներին կծանոթանանք և անպայման կբողոքարկենք»,–ասաց պաշտպանը`տեղեկացնելով, որ հիմա Թավադյանին կտեղափոխեն ձերբակալվածների պահման վայր, այնուհետև արդեն կալանավայր։

Հիշեցնենք, որ դեկտեմբերի 24–ին «5-րդ ալիք» հեռուստաընկերության սեփականատեր Արմեն Թավադյանին ձերբակալել են կազմակերպված խմբի կողմից վկային կամ տուժողին սուտ ցուցմունք տալու նպատակով կաշառելու կասկածանքով:

Պլանավորած օպերացիա կամ «արջի ծառայություն». Քոչարյանի որդին մեկնաբանել է տեսանյութը

Հիշեցնենք նաև, որ դեկտեմբերի 19–ին ՀՀ ոստիկանությունը տեսանյութ տարածեց, որտեղ ասվում էր, թե Մարտի 1–ի գործով ամբաստանյալ, երկրորդ նախագահ Ռոբերտ Քոչարյանի աջակիցներից մեկը իր գրասենյակում գործով տուժողներից մեկին առաջարկում է հրաժարվել իր տված ցուցմունքից՝ նշելով, որ դրա դիմաց պատրաստ են այնքան գումար տալ, որքան առաջարկում է պետությունը, գումարած` բարձր պաշտոն հետագայում։

Ըստ թեմայի

Առաջարկում ենք փոխել Քոչարյանի խափանման միջոցը. մշակույթի գործիչների հայտարարությունը
«Բանտախուցն աշխատասենյակ է, որտեղ աշխատում եմ հանուն ՀՀ-ի լավ ապագայի». Քոչարյանի ուղերձը
Մարտի 1-ին կմիանա հոկտեմբերի 27-ը. ըստ Քոչարյանի` գործը ձգձգում են փաստաբանները
թեգերը:
կալանավորել, կալանավոր, կալանք, Դատարան, Դատավոր, Արմեն Թավադյան

Գլխավոր թեմաներ