ԵՐԵՎԱՆ, 27 դեկտեմբերի — Sputnik. Հայաստանի հանրապետական կուսակցությունը երեկ երեկոյան Ամանորի առթիվ խնջույք է արել ՀՀԿ-ական նախկին պատգամավոր Ռուբեն Հայրապետյանին պատկանող «Հարսնաքար» ռեստորանում։
ՀՀԿ–ի կորպորատիվից տարբեր տեսանյութեր արդեն հրապարակվել են սոցիալական կայքերում։
Տեսանյութերից երևում է, որ խնջույքին մասնակցել են նաև Ռուբեն Հայրապետյանը, Արմեն Աշոտյանը, Էդուարդ Շարմազանովը, Արման Սահակյանը և այլ կուսակցականներ։
Խնջույքից մի տեսանյութ էլ հրապարակվել է ՀՀ երրորդ նախագահ Սերժ Սարգսյանի facebook-յան ոչ պաշտոնական էջում։ Այս տեսանյութում երևում է, որ երիտասարդ ՀՀԿ–ականները հերթով մոտենում են Սերժ Սարգսյանին ու շնորհավորում նրա Ամանորը։
Նշենք, որ երեկ այս նույն խնջույքում ՀՀԿ փոխնախագահ Արմեն Աշոտյանը, ՀՀԿ խոսնակ Էդուարդ Շարմազանովն ու ՀՀ կառավարությանն առընթեր պետական գույքի կառավարման վարչության նախկին պետ Արման Սահակյանը
Ռեստորանի բեմում կատարել են արդեն հայտնի դարձած իրենց նոր երգը` «Իմ լավ ընկերը»։
Հիշեցնենք` երեկ, մինչ այդ արդեն համացանցում էր հայտնվել նաև նույն երգի տեսահոլովակը, նույն եռյակի կատարմամբ, նկարահանված «Արդինի» ստուդիայում։
Արդեն երգում են. Աշոտյանը, Շարմազանովն ու Սահակյանը տեսահոլովակ են նկարահանել
