23:27 09 ապրիլի 2020
Ուղիղ եթեր
  • USD493.10
  • GBP612.97
  • EUR536.59
  • RUB6.66
Հայաստան
Ստանալ կարճ հղումը
90810

Ազգային անվտանգության ծառայության և Հայաստանի ֆուտբոլի ֆեդերացիայի նախկին ղեկավարը խոսել է հասարակությունը բաժանելու փորձերի մասին։

ԵՐԵՎԱՆ, 31 դեկտեմբերի – Sputnik. Նոր տարում պետք է մերժել հասարակությունը բաժանելու բոլոր փորձերն ու միտումները։ Այս մասին նշված է Ազգային անվտանգության ծառայության և Հայաստանի ֆուտբոլի ֆեդերացիայի նախկին ղեկավար Արթուր Վանեցյանի ամանորյա ուղերձում։

«Ժամեր անց դիմավորելու ենք 2020 թվականը։ Շնորհավո՛ր Ամանոր։ Մեր հասարակության բոլոր անդամները, ընտանիքները, բոլորս՝ մեծ ու փոքր, արժանի ենք պարզ մարդկային երջանկության։ Հանրային ներքին համերաշխության պայմաններում չկա որևէ արտաքին ուժ կամ թշնամի, որ ի վիճակի լինի սպառնալ մեր պետությանը, մեր ժողովրդի, մեր ընտանիքների անվտանգությանը։ Նոր տարում՝ սկսվող նոր տասնամյակի շեմին, մերժել է պետք հասարակությունը բաժանելու բոլոր փորձերն ու միտումները, և պահպանել համերաշխությունը՝ հանուն ընդհանուր, կայուն ապագայի»,– գրել է նա։

Վանեցյանը մաղթել է, որ 2020-ը լինի իրական ձեռքբերումների տարի։ Փոփոխությունները, որոնց կարիքը մինչ օրս հանրությունը զգում է, պետք է արվեն հանուն և ի շահ երկրի։

«Հատուկ շնորհավորում եմ մեր ուժային կառույցներում ծառայող սպաների և նրանց ընտանիքների նոր տարին։ Հայրենասիրությունը և պատասխանատվությունը պետության հանդեպ ձեր արյան մեջ է։ Սկսվող տարում ձեզ մաղթում եմ անվտանգ ծառայություն և ընտանեկան երջանկություն»,– նշել է նա։

Վանեցյանը դիմել է նաև սահմանին կանգնած մեր զինվորներին։

«Տղե՛րք, այս տոնական օրերի հերոսները դո՛ւք եք։ Դո՛ւք եք ապահովում այսօրվա խաղաղությունը։ Ոչ մի վայրկյան չմոռանաք, որ բոլորս ձեր կողքին ենք, և վտանգի դեպքում միասին նոր հաղթանակ ենք կերտելու»,– գրել է ԱԱԾ նախկին ղեկավարը։

Նա սրտանց շնորհավորել է Արցախի մեր հայրենակիցներին՝ մաղթելով ամենալավն ու բարին։

«Ոչինչ և ոչ ոք չի կարող մեր մեջ բաժանումներ և անվստահություն սերմանել»,– եզրափակել է նա։

Հիշեցնենք՝ սեպտեմբերի 16-ին Վանաձորում կայացած ասուլիսի ժամանակ ՀՀ վարչապետ Նիկոլ Փաշինյանը հայտարարեց, որ ստորագրել է Ազգային անվտանգության ծառայության տնօրեն Արթուր Վանեցյանին աշխատանքից ազատելու միջնորդագիրը։

Ավելի ուշ Արթուր Վանեցյանը հայտարարություն տարածեց իր հրաժարականի պատճառների մասին` հայտնելով, որ հրաժարականի դիմում ներկայացնելու որոշումը ստեղծված իրավիճակում և գալիքի համատեքստում համարում է Հայաստանի Հանրապետությանն ու ժողովրդին ծառայելու ամենանախընտրելի և ամենահիմնավորված տարբերակը։

 

Վանեցյանը ՀՖՖ նախկին նախագահի պաշտոնից հրաժարվեց նոյեմբերի 21–ին։

 

Ըստ թեմայի

Ինչու Արթուր Վանեցյանը ՀՀ իշխանության դեմ տեղեկությունը չի օգտագործում. փորձագետ
«Երբ հեղափոխությունը դատարկ մի պղպջակ է». Վանեցյանը կրկնել է կաթողիկոսի խոսքը
Արթուր Վանեցյանը պատասխանել է Սորոսի հիմնադրամի տնօրենին
Արթուր Վանեցյանը շնորհակալություն է հայտնել Կադիրովին և լուսանկար հրապարակել նրա հետ
թեգերը:
Արթուր Վանեցյան, Ամանոր, Հայաստան

Գլխավոր թեմաներ