ԵՐԵՎԱՆ, 2 հունվարի — Sputnik. Հանրապետության երկրորդ քաղաք Գյումրիում ձյուն է տեղում։ Այս մասին տեղեկացնում է ՀՀ Արտակարգ իրավիճակների նախարարության լրատվական ծառայությունը։
Ըստ տարածված հաղորդագրության`ժամը 11:30-ի դրությամբ ՀՀ տարածքում կան փակ և դժվարանցանելի ավտոճանապարհներ:
Գեղարքունիքի մարզի կողմից Վարդենյաց լեռնանցքը փակ է բեռնատարների համար և դժվարանցանելի` մարդատար ավտոմեքենաների համար: Իսկ Վայոց Ձորի մարզի կողմից Վարդենյաց լեռնանցքում տեղ-տեղ առկա է մերկասառույց:
Ստեփանծմինդա-Լարս ավտոճանապարհը բաց է բոլոր տիպի տրանսպորտային միջոցների համար։ Այս մասին ՀՀ ԱԻՆ–ը տեղեկացնում է` հղում կատարելով Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ՃԿԿ-ից ստացված տեղեկատվությանը։ Վարորդներին խորհուրդ է տրվում երթևեկել բացառապես ձմեռային անվադողերով։
Վթար Արագածոտնի մարզում. կա 4 վիրավոր
ԱԻՆ–ը տեղեկացնում է նաև, որ շինարարական աշխատանքներ են կատարվում Վանաձոր-Ալավերդի-Բագրատաշեն ավտոճանապարհին, ինչի պատճառով նշված ճանապարհահատվածը փակ է բեռնատարների համար: Վարորդներին խորհուրդ է տրվում երթևեկել Դիլիջան-Նոյեմբերյան-Բագրատաշեն այլընտրանքային ճանապարհով։
Երևան, Սիդնեյ, Մոսկվա. ինչպես են տոնել Նոր տարին աշխարհի տարբեր քաղաքներում. լուսանկարներ
