10:44 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54
Հայաստան
Ստանալ կարճ հղումը
97 0 0

ՊԵԿ–ն ու Կրթության, գիտության, մշակույթի և սպորտի նախարարությունը պետությանն են վերադարձրել իրենց տրված 23 ավտոմեքենա։

ԵՐԵՎԱՆ, 9 հունվարի — Sputnik. ՀՀ կառավարությունը, ինչպես խոստացել էր, կրճատում է իր ծառայողական ավտոմեքենաների քանակը. գործադիր մարմնի այսօրվա նիստում նման բովանդակությամբ միանգամից երկու որոշում ընդունվեց։

Դրանցից մեկով Պետական եկամուտների կոմիտեն հրաժարվեց իր հաշվեկշռում եղած 3 ծառայողական ավտոմեքենայից, մյուսով 20 ավտոմեքենայից հրաժարվեց Կրթության, գիտության, մշակույթի և սպորտի նախարարությունը։

Որոշումներն ընդունվեցին առանց զեկուցվելու ու առանց քննարկումների։ Դրանց նախագծերում, սակայն, նշված է, որ որոշումների անհրաժեշտությունը պայմանավորված է «ծառայողական ավտոմեքենաների թվի օպտիմալացման և ֆինանսական միջոցների խնայողության պահանջով»:

Կտրված թաթիկներ, «օրենքով գողեր», սատանայի հետ կապ. Փաշինյանի` 2019թ-ի հայտարարությունները

Նշված է նաև, որ ՀՀ կրթության և գիտության, ՀՀ մշակույթի ու ՀՀ սպորտի և երիտասարդության հարցերի նախարարությունների միաձուլման և նոր՝ ԿԳՄՍ նախարարության ստեղծման հետևանքով նոր կառույցը սպասարկող ավտոմեքենաների թիվը 11-ն է, որից 5-ը՝ նախկին ՀՀ կրթության և գիտության, 2-ը՝ նախկին ՀՀ մշակույթի, 4-ը՝ նախկին ՀՀ սպորտի և երիտասարդության հարցերի նախարարություններին ամրացված:

700 000 եվրո`12 նոր մեքենա 12 նախարարի համար. ծառայողական էլեկտրամոբիլներ կգնեն

Նախագծի հավելվածում նշված է նաև, որ նախկին սպորտի և երիտասարդության հարցերի նախարարությանն ամրացված ավտոմեքենաների շարժիչների աշխատանքային ծավալներից և մաշվածությունից ելնելով` դրանց շահագործումն ու սպասարկումը բավականին ծախսատար է ու ոչ նպատակահարմար:

Նշենք, որ նախարարությունից կրճատվող ավտոմեքենաները 2006, 2007, 2008թթ-ի արտադրության են` TOYOTA PRADO, TOYOTA CAMRI և HYUNDAI AZERA մակնիշի։

ՊԵկ–ի հաշվեկշռից պետգույքի կառավարման կոմիտեի հաշվեկշիռ տեղափոխվող ավտոմեքենաները 2008-2015թթ–ի արտադրության են` TOYOTA CAMRI, TOYOTA COROLLA, УАЗ- ПАТРИОТ, УАЗ-ПИКАП, ВАЗ-2121 և RENO- LEGAN մակնիշների։

Որոշման նախագծերում չի հստակեցվում պետական կառավարման համակարգից օպտիմալացված ավտոմեքենաների ճակատագիրը։

«Կառավարության ծառայողական մեքենաների կրճատումը դեռ չի հասել ակնկալվող քանակին». Աղաջանյան

Ըստ թեմայի

Մարիամ Փաշինյանի համար ավտոմեքենա ձեռք չի բերվել. վարչապետի խոսնակ
Ավտոաղբից ազատվելու գործընթացը Հայաստանում նոր թափ կստանա. Փաշինյան
Հայաստանում ինչ–որ բան այն չէ. ինչ դասեր պիտի քաղի իշխանությունը 2020 թվականի համար
թեգերը:
ավտոմեքենա, ՀՀ կառավարություն, Հայաստան

Գլխավոր թեմաներ