16:06 01 հոկտեմբերի 2020
Ուղիղ եթեր
  • USD488.41
  • GBP626.63
  • EUR571.78
  • RUB6.24
Հայաստան
Ստանալ կարճ հղումը
17410

Դեռ նախորդ տարեվերջին Արման Բաբաջանյանն ԱԺ–ում ելույթ ունենալով ասել էր, որ ՀՅԴ–ն ահաբեկչական անցյալ ունի։

ԵՐԵՎԱՆ, 9 հունվարի — Sputnik. Հայ հեղափոխական դաշնակցություն կուսակցությունը և ՀՅԴ 11 անդամներ դատի են տվել ԱԺ պատգամավոր Արման Բաբաջանյանին։ Այս մասին տեղեկանում ենք դատական տեղեկատվական համակարգից։

Մասնավորապես, 11 ՀՅԴ–ականներ` Իշխան Սաղաթելյանը, Արթուր Խաչատրյանը, Արծվիկ Մինասյանը, Արմենուհի Կյուրեղյանը, Տարոն Տոնոյանը, Լիլիթ Գալստյանը, Հակոբ Մաթիլյանը, Միքայել Մանուկյանը, Սիմոն Սիմոնյանը, Աշոտ Սիմոնյանը, Շաղիկ Մարուխեանը պահանջում են, որ Բաբաջանյանը վիրավորանքի համար հրապարակային ներողություն խնդրի և փոխհատուցի զրպարտության համար։

Գործը մակագրվել է Երևան քաղաքի ընդհանուր իրավասության դատարանի դատավոր Ավագ Գաբրիելյանին:

Հայցի հետ կապված Բաբաջանյանը Facebook սոցիալական ցանցի իր էջում գրել է, որ ՀՅԴ–ն դատական հայց է ներկայացրել իր դեմ՝ կապված անցյալ տարեվերջին Ազգային Ժողովում ունեցած իր ելույթի հետ։ «Իմ ելույթում, անդրադառնալով Հայաստանի իշխանությունների դեմ պարտիզանական գործողություններ սկսելու մասին ՀՅԴ-ի շրջաբերականին, հիշեցրել էի այդ կուսակցության ահաբեկչական անցյալը ու դրա կարկառուն առաջնորդների քրեական կենսագրությունը՝ սկսած ահաբեկչական գործողություններից մինչև թմրանյութերի շրջանառություն ու առևտուր»,–գրել է նա։

«Արման Բաբաջանյանը գործիք է քաղաքական հարցեր լուծելու համար». Վազգեն Մանուկյան

Հիշեցնենք, որ Բաբաջանյանը նման ելույթով հանդես էր եկել 2019–ի դեկտեմբերի 6–ին։

Ըստ թեմայի

Լոռու մարզում թալանել են ՀՅԴ–ի գրասենյակը
«ՀՅԴ երիտմիությունը հավատում է` Արայիկ Հարությունյանը հրաժարական կտա». Քրիստինե Վարդանյան
ՀՅԴ–ն հայտարարություն է տարածել
թեգերը:
ահաբեկիչ, Պատգամավոր, դատ, Դատարան, Հայ Յեղափոխական Դաշնակցություն (ՀՅԴ), Արման Բաբաջանյան

Գլխավոր թեմաներ