20:50 19 փետրվարի 2020
Ուղիղ եթեր
  • USD478.63
  • GBP622.51
  • EUR517.06
  • RUB7.53
Հայաստան
Ստանալ կարճ հղումը
62 0 0

Նարեկ Սարգսյանի պաշտպանական կողմի համար նրա կալանավորման որոշումն անհիմն է, չպատճառաբանված ու անհասկանալի։

ԵՐԵՎԱՆ, 10 հունվարի – Sputnik. ՀՀ երրորդ նախագահ Սերժ Սարգսյանի եղբորորդու՝ Նարեկ Սարգսյանի կալանավորման որոշումը բողոքարկվել է Վերաքննիչ դատարանում: Sputnik Արմենիայի հետ զրույցում այս մասին ասաց Նարեկ Սարգսյանի փաստաբան Արթուր Պիվազյանը՝ նշելով, որ դիմումն ուղարկել են 2019թ.–ի դեկտեմբերի 27–ին և դեռևս պատասխան չեն ստացել`  վարույթ ընդունվել է, թե ոչ։ 

Փաստաբանը նշեց, որ Առաջին ատյանի դատարանի՝ կալանավորման մասին որոշումն իրենց համար անհասկանալի է, անհիմն, որևէ կերպ պատճառաբանված չէ, և այդ հիմքով էլ այն բողոքարկել են վերադաս ատյան:

«Թաքնվելու հիմքը կալանավորման հիմքերից մեկն է ընդամենը եղել։ Պետք է նշեմ, որ Նարեկ Սարգսյանը բավական երկար ժամանակ Չեխիայի իրավապահների կողմից ձերբակալված է եղել, և մոտավորապես մեկ տարի ինքն արդեն անազատության մեջ է գտնվել»,–նշեց փաստաբանը։

Թե երբ կավարտվի նախաքննությունն ու գործը կմտնի դատարան, փաստաբանը չգիտի. նա կարծում է, որ մինչ այդ այս քրեական գործով դեռ անելիք շատ կա։ 

Նարեկ Սարգսյանը` Սերժ Սարգսյանի եղբորորդին, կալանավորվեց

Հիշեցնենք` 2018թ.–ի հունիսի 26-ին Նարեկ Սարգսյանի նկատմամբ հարուցվել էր քրեական գործ՝ ապօրինի զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով:

2018թ.–ի հուլիսի 6-ին նրա նկատմամբ հայտարարվել էր հետախուզում, հուլիսի 24-ին՝ միջազգային հետախուզում:

Նարեկ Սարգսյանը ոստիկանության ծառայողների ուղեկցությամբ Չեխիայից Հայաստան տեղափոխվեց 2019թ.–ի դեկտեմբերի 21–ին։

ՀՀ գլխավոր դատախազի խորհրդական Գոռ Աբրահամյանը դեկտեմբերի 10-ին տեղեկացրել էր, որ Չեխիայի Հանրապետության իրավասու մարմինները որոշել են բավարարել հետախուզվող Նարեկ Սարգսյանին քրեական հետապնդման ենթարկելու նպատակով Հայաստանի իրավապահ մարմիններին հանձնելու մասին` Հայաստանի Հանրապետության գլխավոր դատախազության միջնորդությունը։

«Նարեկն իմ նկատմամբ անմարդկային քայլ է արել». Սաշիկ Սարգսյանի հարևանը դատարանում է 

ՀՀ իրավապահներն արդեն մեկ տարի սպասում էին Չեխիայի իշխանությունների այս որոշմանը։

Միջազգային հետախուզման մեջ գտնվող Նարեկ Սարգսյանը հայտնաբերվել և ձերբակալվել էր 2018թ.–ի դեկտեմբերի 6-ին Պրահայում։ Հայտնաբերման պահին նա ներկայացրել էր Գվատեմալայի քաղաքացու կեղծ անձնագիր՝ Ֆրանկլին Գոնսալեսի անհատական տվյալներով:

Ըստ թեմայի

Ոստիկանությունը գտել է Ալեքսանդր Սարգսյանի որդուն. նա թաքնված էր Ֆրանկլին Գոնսալեսի անվամբ
Սերժ Սարգսյանի տոնական ուղերձը մարգարեակա՞ն էր. համերաշխությունից մինչև Ֆրանկլին Գոնսալես
Նարեկ Սարգսյան–Ֆրանկլին Գոնսալեսին հայտնաբերել են մեկ այլ անձի միջոցով. «Ժողովուրդ»
Գոնսալեսը Հայաստանի սահմանը հատել է Սարգսյան ազգանունով. Օսիպյան
թեգերը:
կալանավորել, Դատարան, Ֆրանկլին Գոնսալես, բողոք, փաստաբան, Սերժ Սարգսյան, Նարեկ Սարգսյան

Գլխավոր թեմաներ