05:46 31 մարտի 2020
Ուղիղ եթեր
  • USD500.80
  • GBP620.19
  • EUR554.34
  • RUB6.30
Հայաստան
Ստանալ կարճ հղումը
631820

Յուսիֆ Էյվազովը փետրվարի 7-ին հայ երգչուհի Ռուզան Մանթաշյանի հետ պետք է հանդես գար Դրեզդենի ամենամյա Օպերային բալի բացման արարողությանը։

ԵՐԵՎԱՆ, 13 հունվարի - Sputnik. Ազգությամբ ադրբեջանցի, կարգավիճակով՝ սոպրանո Աննա Նետրեբկոյի ամուսին, երգիչ Յուսիֆ Էյվազովը հրաժարվել է փետրվարի 7-ին հանդես գալ Դրեզդենի ամենամյա Օպերային բալի բացման արարողությանը հայ երգչուհի Ռուզան Մանթաշյանի հետ` պատճառաբանելով վերջինիս հայ լինելը, այսինքն` քաղաքական նկատառումներով: Facebook-ի իր էջում այս մասին գրել է հայ օպերային երգչուհի, սոպրանո, ՀՀ ժողովրդական արտիստ Հասմիկ Պապյանը։

«Բազմիցս եմ երգել հիշյալ օպերային թատրոնում, չեմ կարողանում մտաբերել նմանատիպ երևույթ: Պատրաստվում եմ բողոքի ձայն բարձրացնել…»,–գրել է Պապյանը։

Նշենք, որ այս մասին գրել է նաև ֆրանսիական forumopera–ն։ 

«Անհավանական է, բայց ճիշտ. Ադրբեջանի քաղաքացի Յուսիֆ Էյվազովը քիչ առաջ քաղաքական պատճառներով հրաժարվեց ելույթ ունենալ ազգությամբ հայ Ռուզան Մանթաշյանի հետ»,–գրում է կայքը։

Ըստ հրապարակման`քանի որ տենորի ձայնն ավելի ծանրակշիռ է, քան սոպրանոյինը, Դրեզդենի ամենամյա Օպերային բալի կազմակերպիչները որոշել են պահել ադրբեջացուն։ Նրանք որոշել են, որ հանդիսավոր արարողությանը ելույթ կունենա ադրբեջանցի Յուսիֆ Էյվազովը։

Սոպրանո Անուշ Հովհաննիսյանը՝ եվրոպական բեմերում «հայկական մաֆիայի» մասին

Հիշեցնենք, որ Դրեզդենի օպերային պարահանդեսն առաջին անգամ տեղի է ունեցել 1925թ.–ին և անցկացվել ութ անգամ մինչև 1939 թվականը` Երկրորդ աշխարհամարտի սկիզբը։ 2006թ.–ին բալին նոր կյանք են տվել Դրեզդենի հիմնադրման 800–ամյակի կապակցությամբ, և դրանից հետո այն դարձել է ամենամյա։ Մեծ ձմեռային հանդիսության մասնակիցներ են դառնում Սաքսոնիայի մայրաքաղաքի ավելի քան 10 հազար բնակիչներ և հյուրեր։

Դրեզդենի օպերային բալին ներկա են լինում ոչ միայն Եվրոպայի, այլ նաև տարբեր երկրների քաղաքական, արտիստիկ և գործարար վերնախավի ներկայացուցիչներ։

Խուլերը կկարողանան «լսել» հայ դասական կոմպոզիտորների գործերը. անարդարություն այլևս չկա 

Ըստ թեմայի

Գրիգորյանի և Մուրվանիձեի եզակի ընկերությունը. ինչ է խնդրել հայ տենորը վրացի քանդակագործից
Հայտնի տենոր Ռուբեն Էլբակյանը երգում է Կոմիտասի «Չինար ես» ստեղծագործությունը. տեսահոլովակ
Ֆրանսիահայ հանրաճանաչ տենոր Ռուբեն Էլբակյանը մենահամերգ է տվել Փարիզի Լա Մադլեն եկեղեցում
թեգերը:
Գերմանիա, ադրբեջանցի, հայ, երգչուհի, օպերա

Գլխավոր թեմաներ