16:38 27 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Հայաստան
Ստանալ կարճ հղումը
221 0 0

ՀՀ քաղաքացին բողոքել էր, որ «Ռոսիա մոլ» առևտրի կենտրոնի անվտանգության աշխատակիցներն իրեն ծեծի են ենթարկել մեքենան «անթույլատրելի» տեղում կայանելու համար։

ԵՐԵՎԱՆ, 15 հունվարի – Sputnik. ՀՀ ոստիկանությունում քրեական գործ է հարուցվել «Ռոսիա մոլի» անվտանգության աշխատակիցների դեմ` տուժած տաքսու վարորդի բողոքի հիմքով: Այս մասին Sputnik Արմենիային հայտնեցին ոստիկանության լրատվական բաժնից։

«Քրեական գործ է հարուցվել ՀՀ քրեական օրենսգրքի 258 հոդվածի 3-րդ մասով՝ խուլիգանություն, որը կատարվել է մի խումբ անձանց կողմից և զուգորդվել է անձի առողջությանը միջին ծանրության վնաս պատճառելով»,–հայտնեցին ոստիկանության լրատվական բաժնից:

Գործն ուղարկվել է Քննչական կոմիտե:

Նշենք, որ առևտրի կենտրոնը պատկանում է հայտնի գործարար Խաչատուր Սուքիասյանին: Անցյալ տարվա վերջին Yandex Taxi-ի վարորդը կապ է հաստատել Auroranews-ի խմբագրության հետ և հայտարարել, որ ծեծի է ենթարկվել առևտրի կենտրոնի անվտանգության աշխատակիցների կողմից` մեքենան պատշաճ չկայանելու պատճառաբանությամբ։

Խաչատուր Սուքիասյանի մամուլի խոսնակ Աննա Մկրտչյանը լրատվականի հետ զրույցում հերքել է հերքել է լուրը:

«Խոսեցի անվտանգության բաժնի աշխատակիցների հետ: Նշում են, որ երեկ իրենց մասնակցությամբ որևէ միջադեպ տեղի չի ունեցել»,–ասել է նա։

Գործարարն անձամբ դեռ չի մեկնաբանել տեղի ունեցածը։

ՀՀ Քննչական կոմիտեից Sputnik Արմենիային հայտնեցին, որ քրգործը նախօրեին են ստացել, դեռ քննչական գործողություններ չեն կատարվել, մեղադրյալներ չկան, բայց գործը հարուցվել է։

Նշենք, որ մեղադրանքի հաստատման դեպքում «Ռոսիա մոլի» անվտանգության աշխատակիցներին սպասվում է նվազագույն աշխատավարձի 200-500–ապատիկի չափով տուգանք կամ ազատազրկում՝ առավելագույնը 5 տարի ժամկետով:

Սերժ Սարգսյանը վատ ղեկավար է եղել, վատ ընկեր, ինձնից գործարան է խլել. Խաչատուր Սուքիասյան

Ըստ թեմայի

Խաչատուր Սուքիասյանն իր կյանքի ամենասպասված օրը հրապարակել է որդու և նորահարսի լուսանկարը
Մտնել խնամու կուսակցություն, թե բացել նորը. Խաչատուր Սուքիասյանը` քաղաքական ծրագրերի մասին
Ի՞նչ է ասել Խաչատուր Սուքիասյանը մարտի 1-ի գործով քննիչին. գործարարը խոսել է 2008–ի մասին
Խաչատուր Սուքիասյանն անձնական շահից ելնելով չի քննադատում ներկա իշխանությանը. «168 ժամ»
թեգերը:
բողոք, ՀՀ Ոստիկանություն, Ոստիկանություն, Ծեծկռտուք, ծեծ, տաքսի, Քրեական գործ, Խաչատուր Սուքիասյան

Գլխավոր թեմաներ