08:58 20 փետրվարի 2020
Ուղիղ եթեր
  • USD478.63
  • GBP622.51
  • EUR517.06
  • RUB7.53
Հայաստան
Ստանալ կարճ հղումը
349 0 0

Մասնավոր փոքր ձկնաբուծարանի ավազանում շուրջ 5000 մանրաձուկ է սատկել։ Սեփականատերը նկատել է, որ մինչ այդ գետն անսովոր վարարել էր։

ԵՐԵՎԱՆ, 17 հունվարի - Sputnik. Կոտայքի մարզի Գետամեջ գյուղում գտնվող մասնավոր ձկնաբուծարանում երեկ երեկոյան արձանագրված ձկների զանգվածային անկման դեպքով հարուցվել է քրեական գործ։ Այս տեղեկությունը Sputnik Արմենիային հայտնեց Գետամեջի գյուղապետ Ավետիս Մուրադյանը։

Բնապահպանական աղետ Արցախում. ո՞վ է մեղավոր ձկների զանգվածային սպանդի համար

«Քրեական գործը կբացահայտի երևի, թե ինչ է եղել և ինչու է եղել»,– ասաց գյուղապետը` հավելելով, որ ինքն այդ միջադեպի վերաբերյալ որևէ վարկած կամ ենթադրություն չունի։

Մուրադյանի խոսքով` ձկնաբուծարանն իրականում փոքր տարածք է, փոքր բիզնես։

«Մարդն իր այգում մի փոքր ավազան է սարքել, 4000 հատ իշխանի մանրաձուկ էր պահում։ Գետը (գետ էլ չէ, մի փոքր գետակ է, 1-1.5 մետր լայնությամբ) իր տան մոտով է անցնում։ Գետակի վրա ավազան է կառուցել, ջուրը գետակից մտնում է ավազան ու նույն  չափով էլ դուրս է գալիս։ Այդ ավազանում ձուկ է պահել»,– ասաց գյուղապետը։

Անհատ ձեռնարկատեր Կարեն Գրիգորյանը հայտնեց, որ ավազանում զանգվածային անկման պահին 200-250 գրամանոց շուրջ 4700-5000 հատ մանրաձուկ է եղել։ Կատարվածի հետևանքով գյուղաբնակ գործարարը զրկվել է իր ամբողջ բիզնեսից։

«Ոչ մի խնդիր չի եղել։ Առավոտյան, ժամը 10-ի սահմաններում, կերը տվել եմ, ամեն ինչ նորմալ է եղել։ Ժամը 15։30-16։00-ի կողմերը եկել ենք, որ նորից կերակրենք, տեսել ենք` բոլոր ձկները սատկել են։ Նման բան չէր եղել։ Անգամ գետի միջի ձկներն էին սատկել»,–ասաց ձկնաբուծարանի սեփականատերը։

Погибшая рыба Карена Григоряна, село Гетамеч, Котайк
© Sputnik / Asatur Yesayants.
Կարեն Գրիգորյան

Միակ կասկածելի բանը, որ նկատել, բայց այդ պահին Կարեն Գրիգորյանը ուշադրության չի արժանացրել, ձկների անկմանը նախորդած րոպեներին գետակի անսովոր վարար հոսքն է եղել։

Погибшая рыба Карена Григоряна, село Гетамеч, Котайк
© Photo : provided by Karen Grigoryan
Ձկնաբուծարանի տարածքը

«Մի քիչ վարարել էր։ Թե որտեղից էին բաց թողել, ինչ հիմնարկ էր բաց թողել ու ինչ արտահոսք է եղել, ես չեմ կարող ասել։ Վարարել է նույն օրը, ժամը 15։30-16։00–ի կողմերը ու տևել է մոտ 2 ժամ»,– ասաց Կարեն Գրիգորյանը։

Погибшая рыба Карена Григоряна, село Гетамеч, Котайк
© Photo : provided by Karen Grigoryan
Սատկած ձկները

Հիշեցնենք` երեկ երեկոյան shamshyan.com կայքը հայտնել էր, որ Կոտայքի մարզի Գետամեջ գյուղի ձկնաբուծարանում իշխանների զանգվածային անկում է  գրանցվել։ Գյուղի բնակիչները կայքին ասել էին, որ նկատել են` ինչպես է ավազանից նեխած, փրփրոտ սև ջուր լցվում գետը։

Погибшая рыба Карена Григоряна, село Гетамеч, Котайк
© Sputnik / Asatur Yesayants.
Սատկած ձկներ

Ձկները կփրկեն Սևանը. փորձագետը պարզ, բայց աշխատող տարբերակ է առաջարկում

Ըստ թեմայի

Ձկները փախել են, փողերը` յուրացվել. Սևանի իշխանի ծրագրով քրգործ է հարուցվել
Բնապահպանական աղետ Արցախում. ո՞վ է մեղավոր ձկների զանգվածային սպանդի համար
Նախարար. մինչև տարեվերջ Սևանա լիճ բաց կթողնվի իշխանի 600 հազար մանրաձուկ
Ինչ մանրաձուկ էր կուտակվել Սևանի ափին
թեգերը:
ՀՀ քննչական կոմիտե, Քրեական գործ, Կոտայք, Գետ, ձուկ

Գլխավոր թեմաներ