22:35 02 դեկտեմբերի 2020
Ուղիղ եթեր
  • USD509.14
  • GBP679.29
  • EUR613.77
  • RUB6.73
Հայաստան
Ստանալ կարճ հղումը
132 0 0

Օլիմպիադային մասնակցել է 16 երկիր՝ հետխորհրդային և եվրոպական պետություններ: Ընդհանուր առմամբ 600 մասնակից է եղել:

ԵՐԵՎԱՆ, 21 հունվարի — Sputnik. Ա. Շահինյանի անվան ֆիզիկամաթեմատիկական դպրոցի և «Քվանտ» վարժարանի սաները լուրջ արդյունքներով` 18 մեդալով են վերադարձել Ղազախստանի Ալմաթի քաղաքում տեղի ունեցած Ժաուտիկովյան միջազգային 16-րդ օլիմպիադայից:

«Մեր դպրոցը երբեք դատարկաձեռն չի վերադարձել միջազգային օլիմպիադաներից: 2005 թվականից այսօր 7 ոսկի ունենք, 36 արծաթ: Ասեմ, որ այս անգամ ներկայացված պետությունների մեջ թիմային պայքարում մեր դպրոցը 4-րդն էր»,–այսօր կայացած ասուլիսին ասաց Շահինյանի անվան ֆիզիկամաթեմատիկական դպրոցի մաթեմատիկայի ուսուցիչ, միջազգային օլիմպիադայում Հայաստանի թիմի ղեկավար Սուրեն Գրիգորյանը` հավելելով, որ Հայաստանը ներկայացված էր 26 աշակերտով. 10–ը «Քվանտից» , 16–ը` ֆիզիկամաթեմատիկական դպրոցից։

Օլիմպիադային մասնակցել է 16 երկիր՝ հետխորհրդային և եվրոպական պետություններ: Ընդհանուր առմամբ 600 մասնակից է եղել:

Կեղծ մեդալների գործով մեղադրանք է առաջադրվել ԱԺ պաշտոնյայի

«Քվանտ» վարժարանի ֆիզիկայի ուսուցիչ, թիմի ղեկավար Էդգար Վարդանյանը նշեց, որ օլիմպիադան կազմակերպվել է  երեք առարկայից՝ «Մաթեմատիկա», «Ֆիզիկա» և «Ինֆորմատիկա»:

«Առանձին առարկաների գծով մրցույթը բաղկացած էր երկուական փուլից: Բավական բարդ առաջադրանքներ էին: Մեր աշակերտների մեծ մասը կարողացավ խնդիրների զգալի հատվածը լուծել և արժանանալ մեդալների: Տարածաշրջանային երկրների համեմատ մենք առաջնային դիրքերում ենք»,-ասաց Էդգար Վարդանյանը:

Արթուր Ալեքսանյանը հաղթել է ադրբեջանցի մարզիկին և ոսկե մեդալ նվաճել

Նշենք, որ Ալմաթի քաղաքում կայացած Ժաուտիկովյան միջազգային 16-րդ օլիմպիադան անցկացվել է 2020 թ. հունվարի 8-14-ը: Առաջիկայում ևս մեր աշակերտները կմասնակցեն միջազգային օլիմպիադաներին: Նրանք նպատակ ունեն վերադառնալ նոր ձեռքբերումներով ու նվաճումներով:

Ըստ թեմայի

Հայ բռնցքամարտիկները Պյատիգորսկում նվաճել են 7 ոսկե և 2 արծաթե մեդալ
222 մեդալ` մեկ տարվա ընթացքում. հայկական սպորտի նվաճումները 2019 թվականին
Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում
թեգերը:
Աշակերտ, մեդալ, օլիմպիադա, Ղազախստան, Հայաստան

Գլխավոր թեմաներ