01:13 28 փետրվարի 2020
Ուղիղ եթեր
  • USD478.49
  • GBP617.20
  • EUR523.13
  • RUB7.28
Հայաստան
Ստանալ կարճ հղումը
45 0 0

«Լուսավոր Հայաստանի» պատգամավոր Անի Սամսոնյանն առաջարկեց վերադառնալ Երևանի քաղաքապետարանի ԿամԱԶ–ների հարցին և ստուգել` նվիրատուները փոխարեն ինչ–որ բան ստացել են, թե ոչ։

ԵՐԵՎԱՆ, 21 հունվարի — Sputnik. Հայաստանի խորհրդարանը չի ընդունել պատգամավոր Անի Սամսոնյանի նախաձեռնությունը քննիչ հանձնաժողով ստեղծելու մասին։ «Լուսավոր Հայաստանի» պատգամավորն առաջարկել է հանձնաժողով ստեղծել Երևանի քաղաքապետարանի նվերների ուսումնասիրության համար։

Հիշեցնենք` Երևանի ավագանու «Լույս» խմբակցության ղեկավար Դավիթ Խաժակյանը հայտնել էր, որ գործարար Սամվել Ալեքսանյանը քաղաքին երկու տասնյակ «ԿամԱԶ» մակնիշի բեռնատարներ նվիրաբերել: Քաղաքապետի մամուլի խոսնակ Հակոբ Կարապետյանը հերքել էր այդ տեղեկությունը` նշելով, որ քաղաքապետարանը Սամվել Ալեքսանյանից առհասարակ նվեր չի ստացել։ Ավելի ուշ Կարապետյանը հրապարակել էր քաղաքապետարանին տրված նվիրատվությունների ցանկը, ըստ որի` «Ալեքս ընդ հոլդինգ» ՍՊԸ–ն 3 «ԿամԱԶ» էր նվիրել քաղաքապետարանին։

Դրանից հետո ԶԼՄ–ներում լուրեր են տարածվել, որ փոխարենն Ալեքսանյանը թույլտվություն է ստացել իր ձեռնարկություններից մեկի շինարարության համար։

Սամսոնյանի կարծիքով` պետք է ուսումնասիրել, թե ով և ինչպիսի ունեցվածք է նվիրել քաղաքապետարանին և փոխարենն ինչ-որ բան ստացե՞լ է (նվերների և ստացված փաստաթղթերի կամ թույլտվությունների միջև պատճառահետևանքային կապ կա՞)։

Ոչ թե կաշառք, այլ կորպորատիվ սոցիալական պատասխանատվություն. Մակունցը` «ԿամԱԶ»–ների մասին

Հանձնաժողով ստեղծելու մասին նախաձեռնության տակ ստորագրել է պատգամավորների մեկ քառորդից ավելին, հետևաբար, այն դե ֆակտո արդեն ստեղծված է։ Այնուամենայնիվ, իշխող մեծամասնությունը` «Իմ քայլը» խմբակցությունը, հայտարարել է, որ չի առաջադրի իր ներկայացուցիչներին։

«Մենք չպետք է միջամտենք տարածքային ինքնակառավարման գործերին։ Այդ մակարդակում հսկիչ լիազորություններ ունի Երևանի ավագանին, որտեղ դուք, ի դեպ, նույնպես ներկայացուցիչներ ունեք», – հայտարարեց պատգամավոր Ռուբեն Ռուբինյանը։

«Իմ քայլի» մեկ այլ ներկայացուցիչ` Վահագն Հովակիմյանը, նշեց, որ պետական իշխանությունը, այդ թվում` խորհրդարանը, իրավունք չունի միջամտել տեղական ինքնակառավարման մարմինների գործերին։

Իր հերթին «Լուսավոր Հայաստան» խմբակցության նախագահ Էդմոն Մարուքյանը հայտարարեց, որ Երևանի քաղաքապետարանում արդեն կան կոռուպցիայի դրսևորումներ։ Երևանի քաղաքապետարանի կոմունալ վարչության պետը 300 միլիոն դրամի մրցույթ է անցկացրել, որին մասնակցել և հաղթել է նրա ազգականը։

«Դուք եք տեսնելու՝ կա՞ կոռուպցիա, թե՞չկա: Ուզում եք վաղը տապալել, եթե տապալեք, քաղաքական մեծ խնդիր եք ունենալու: Չանեք նման բան: Ես ապշած եմ ձեր վախերից, դուք վախենում եք էդ հանձնաժողովը ստեղծելո՞ւց: Դուք եք որոշելու ինչը ուսումնասիրեք, ինչը՝ չէ: Հանձնաժողովը սահմանադրական է», – հայտարարեց նա։

Ինչպես են աղբահավաք մեքենաները երևանյան բակեր մտնելու. Ռուսաստանից լուծում են առաջարկում

 «Բարգավաճ Հայաստանի» պատգամավոր Նաիրա Զոհրաբյանը նշեց, որ քաղաքապետ Հայկ Մարությանին ԿամԱԶ–ների հետ կապված գրավոր հարցեր է ուղղել, իրեն հորդորել է դիմել այդ հարցով ստեղծված ԱԺ քննիչ հանձնաժողովին: «Անհասկանալի է»,–ասաց Զոհրաբյանը։

«Իմ քայլը» խմբակցության ղեկավար Լիլիթ Մակունցը հայտարարեց, որ խմբակցությունը չի առաջադրի իր անդամներին և դեմ կքվեարկի, քանի որ պետք է հետևել օրենքին և չխառնվել քաղաքապետարանի աշխատանքին։

Հիշեցնենք, որ մի քանի ամիս առաջ Հայկ Մարությանը հերքել էր Սամվել Ալեքսանյանի հետ նման գործարքի հնարավորությունը։

Ըստ թեմայի

Ինչ գումարներով են 2012-16թթ. անցկացվել Երևանի քաղաքապետարանի խնջույքները. ոստիկանություն
Երևանի քաղաքապետարանը Մարտի 1-ի զոհերի հուշահամալիրի կառուցման համար 2 մլն դրամ կհատկացնի
Քաղաքապետարանը կօգնի նոր բնակարան ձեռք բերելու գործընթացում խուսափել խաբեբաներից
թեգերը:
Սամվել Ալեքսանյան, «ԿամԱԶ», Երևանի քաղաքապետարան, ԱԺ

Գլխավոր թեմաներ