18:11 30 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հայաստան
Ստանալ կարճ հղումը
623 0 0

ՀՀ արդարադատության նախկին նախարարը հիշեցրել է, որ ինքը շատ հաճախ իշխանությունների կարծիքից տարբերող կարծիք ունի, բայց նաև հանգամանորեն նշել է, թե ինչու է ուզում ընդգրկվել մասնագիտական հանձնաժողովում։

ԵՐԵՎԱՆ, 23 հունվարի – Sputnik. ՀՀ արդարադատության նախկին նախարար, ԱԺ նախկին փոխխոսնակ Արփինե Հովհաննիսյանն այսօր հայտ է ներկայացրել որպես իրավաբան-գիտնական Սահմանադրական բարեփոխումների մասնագիտական հանձնաժողովում ընդգրկվելու համար։

«Ինչպես հայտնի է, հանձնաժողովի իրավաբան-գիտնական անդամ կարող են լինել յոթ տարվա մասնագիտական փորձառություն ունեցող իրավաբանական գիտությունների այն թեկնածուները կամ դոկտորները, որոնք սահմանադրական բարեփոխումների գործընթացին առնչվող բնագավառներում առավել մեծ փորձառություն ունեն»,– Facebook–ի իր էջում գրել է նա։

Հովհաննիսյանն անդրադարձել է սահմանադրական բարեփոխումների ոլորտի իր փորձառությանը` հիշեցնելով, որ 2015-2017 թթ–ին եղել է ՀՀ արդարադատության նախարար, համակարգել է սահմանադրական փոփոխություններից բխող օրենքների մշակումը և ներկայացումը, իսկ որոշ առանցքային օրենքների դեպքում եղել է նաև հիմնական զեկուցողը Ազգային ժողովում։

Նա նշել է, որ սահմանադրական բարեփոխումների ողջ ընթացքում ակտիվորեն համագործակցել է միջազգային գործընկերների հետ ՄԱԿ-ից մինչև Վենետիկի հանձնաժողով։ Արդեն 2017 թվականի մայիսից որպես ՀՀ ԱԺ փոխնախագահ և պետական-իրավական և մարդու իրավունքների պաշտպանության հարցերի մշտական հանձնաժողովի անդամ շարունակել է աշխատել սահմանադրական բարեփոխումներով պայմանավորված օրենսդրական նախագծերի փաթեթների վրա՝ համագործակցելով նաև միջազգային կառույցների հետ։

«Այն, որ ես շատ հաճախ իշխանությունների կարծիքից տարբերող կարծիք ունեմ և իշխանությանն այլախոհ եմ, կարծում եմ՝ գաղտնիք չէ։ Այս հայտը ներկայացրել եմ համոզմունքով, որ գաղափարների շուկայում ճշմարտությունը ծնվում է գաղափարների ազատ մրցակցության, գաղափարների և գաղափարախոսությունների հանրային թափանցիկ մրցակցության և շրջանառության դեպքում։ Սա է եղել այն հիմնական և առաջնային պատճառը, որի համար ես արել եմ հանձնաժողովում ընդգրկվելու քայլը։ Որպես իրավաբան և ՀՀ քաղաքացի ինձ համար խիստ կարևոր է, որ երկրի մայր օրենքի որևէ դրույթ փոփոխության ենթարկվի բազմակողմանի, երբեմն նաև՝ թեժ քննարկումների արդյունքում»,– ընդգծել է Հովհաննիսյանը։

Նա համոզված է, որ հանձնաժողովին անդամակցելու հայտ ներկայացրած իրավաբան գիտնականները պրոֆեսիոնալներ են, սակայն կարծում է` հատկապես այս հանձնաժողովի գործունեության համար առաջնային պետք է լինի սահմանադրական բարեփոխումների գործընթացում ունեցած փորձառությունը։

Արփինե Հովհաննիսյանը որոշել է պատմել «Հաց բերողի» մահվան հանգամանքների ողջ ճշմարտությունը

Հիշեցնենք` Նիկոլ Փաշինյանի` 2019 թվականի դեկտեմբերի 30-ի որոշմամբ մեկնարկել է սահմանադրական բարեփոխումների մասնագիտական հանձնաժողովի ստեղծման գործընթացը: Ըստ այդ որոշման՝ հանձնաժողովի կազմում, ՀՀ դատական և իրավական բարեփոխումների 2019-2023 թվականների ռազմավարությանը համապատասխան, մրցութային ընթացակարգով ընդգրկվելու են նաև վեց իրավաբան գիտնական և հասարակական կազմակերպությունների երկու ներկայացուցիչ: 

Ըստ թեմայի

Գործող Սահմանադրությունը հարուցում է շատ լուրջ խնդիրներ. Այվազյան
Վարոսյան. «Դատարաններում գործերը քննվում են ողջամիտ ժամկետների խախտմամբ»
Այվազյան. «Չեմ կարծում, թե սահմանադրական ճգնաժամ կա. կա մտքի և բարոյականության ճգնաժամ»
Չհեռացող դատավորների գույքը կստուգե՞ն. նախարարը խոսել է սահմանադրական ճգնաժամի մասին
թեգերը:
Արփինե Հովհաննիսյան, Հայաստան

Գլխավոր թեմաներ