18:26 02 հունիսի 2020
Ուղիղ եթեր
  • USD482.49
  • GBP606.25
  • EUR539.28
  • RUB7.02
Հայաստան
Ստանալ կարճ հղումը
196 0 0

ԶՈՒ–ն լայն թափով շարունակել է նորագույն սպառազինության և ռազմական տեխնիկայի համալրման աշխատանքները։

ԵՐԵՎԱՆ, 27 հունվարի — Sputnik. Այսօր պաշտպանության նախարարությունում կայացած կոլեգիայի նիստի ժամանակ պաշտպանության նախարար Դավիթ Տոնոյանը շեշտել է` պետք է ոչ մի վայրկյան չթուլացնել զգոնությունը: 

«Ռազմաքաղաքական ղեկավարության ջանքերի և զինված ուժերի հստակ մարտավարության ու գործողությունների շնորհիվ 2019թ.-ին իրավիճակն առաջնագծում եղել է բավականին հանգիստ: Մյուս կողմից, սակայն, պետք է շարունակել լրացուցիչ ջանքերի ներդրումը՝ ԶՈՒ մարտունակությունն առավել ամրապնդելու և սահմանների անձեռնմխելիությունն ապահովելու նպատակով»,– ասել է նախարարը։

Մնացականյան–Մամեդյարով հանդիպման օրը հայտնի է

Նիստի ընթացքում հիմնական հաշվետու զեկույցով հանդես է եկել ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը: ԶՈՒ ԳՇ պետը փաստել է, որ լայն թափով շարունակվել են նորագույն սպառազինության և ռազմական տեխնիկայի համալրման, զորքերի մարտունակության և կարգապահության ամրապնդման, զինանձնակազմի մարտական պատրաստության որակի բարձացմանն ուղղված բոլոր միջոցառումները։ Բացի այդ, մարտական հենակետերի լրակահավորման, տեսադիտարկման համակարգերի զարգացման աշխատանքներ են իրականացվել:

«Ուժերի և միջոցների նպատակային բաշխումը հնարավորություն է ընձեռել կատարելագործել զինանձնակազմի մարտավարական-մասնագիտական ունակությունները, բարձր մակարդակով կատարել առաջադրված խնդիրները և հակազդել հակառակորդի սադրիչ գործողություններին»,–ասել է Դավթյանը։

Նիստը եզրափակվել է ՀՀ ԶՈՒ 2019թ. ուսումնական տարվա արդյունքներով բարեխիղճ ծառայությամբ աչքի ընկած մի շարք ստորաբաժանումների և սպաների պարգևատրման արարողությամբ:

Հայաստանը 2022–2023 թթ–ին ժամանակակից սպառազինություն ձեռք կբերի

Ըստ թեմայի

Հռոմի պապը կոչ է արել մտածել միջուկային սպառազինության աղետալի հետևանքների մասին
«Ռազմական գաղտնիք է». Հայաստանը գնել և գնում է նոր ու ժամանակակից սպառազինություն
Անցնող տարին նշանավորվել է նոր սպառազինությունների ձեռքբերմամբ. Դավիթ Տոնոյան
Ներսիսյան. «Հայաստանի և Ադրբեջանի միջև սպառազինությունների մրցավազքը կանգ չի առնի»
թեգերը:
Արտակ Դավթյան, Զինվոր, Բանակ, Դավիթ Տոնոյան

Գլխավոր թեմաներ