09:08 20 փետրվարի 2020
Ուղիղ եթեր
  • USD478.63
  • GBP622.51
  • EUR517.06
  • RUB7.53
Հայաստան
Ստանալ կարճ հղումը
111 0 0

Օրերս Արցախում վիրավորված երկու զինծառայողներից մեկի կյանքին վտանգ չի սպառնում, իսկ մյուսի վիճակը դեռ ծանր է։

ԵՐԵՎԱՆ, 27 հունվարի — Sputnik. ՀՀ պաշտպանության նախարարի տեղակալ Գաբրիել Բալայանն այսօր լրագրողների հետ զրույցում հայտնեց, որ Արցախում վիրավորված զինծառայող Հենրի-Հայկ Սիմոնի Զաքարեանին տեղափոխել են Երևան` կենտրոնական զինվորական հոսպիտալ, նրա վիճակը դեռ ծանր է։

«Վիրահատական երկրորդ միջամտության անհրաժեշտություն դեռ չկա։ Նրա առողջական վիճակի զարգացման դինամիկայից ելնելով` բժիշկները հետագա քայլերը կորոշեն»,–ասաց Բալայանը։

Նա հայտնեց նաև, որ մյուս վիրավորի` Արմեն Մեսրոպյանի կյանքին վտանգ չի սպառնում։ Փոխնախարարի հավաստմամբ`զինվորը շուտով կվերադառնա ծառայության։

Հիշեցնենք` ՊԲ զինծառայողներ, 2001թ. ծնված Հենրի-Հայկ Սիմոնի Զաքարեանը և 2000թ. ծնված Արմեն Ջոնիկի Մեսրոպյանը հրազենային վնասվածքներ էին ստացել հունվարի 24-ին, ժամը 06:55-ի սահմանում ՊԲ հյուսիսային ուղղությամբ տեղակայված զորամասերից մեկում:

ՀՀ ԶՈՒ ռազմաբժշկական վարչության պետ, գնդապետ Սահակ Օհանյանը հայտնել էր, որ Զաքարեանի վնասվածքը գլխի շրջանում է, իսկ Արմեն Մեսրոպյանինը` աջ բազկի հատվածում։

Քննչական կոմիտեն հաղորդագրություն էր տարածել` տեղեկացնելով, որ դեպքի առնչությամբ երրորդ կայազորային քննչական բաժնում ՀՀ քրեական օրենսգրքի 34-104-րդ հոդվածի (սպանություն) 2-րդ մասի 1-ին կետով և 110-րդ հոդվածի (ինքնասպանության հասցնել) 1-ին մասով հարուցվել է քրեական գործ, կատարվում է նախաքննություն։

«Մեր բժիշկները հրաշագործ են». վիրավոր զինծառայողին վիրահատել են

Ըստ թեմայի

Հաջորդ տարի 60 000-ի փոխարեն զինծառայողները կստանան 276 000 դրամ. ՀՀ վարչապետ
ՀՀ ՊՆ № զորամասի մի խումբ զինծառայողներ գողացել և վաճառել են մոտ 85 տոննա ավիավառելիք. ԱԱԾ
Բերքաբերում միայն մեկ կրակոց է հնչել, որն ուղղված է եղել զինծառայող Արթուր Արզումանյանին
թեգերը:
զինծառայող, Հայաստան

Գլխավոր թեմաներ