08:56 20 փետրվարի 2020
Ուղիղ եթեր
  • USD478.63
  • GBP622.51
  • EUR517.06
  • RUB7.53
Հայաստան
Ստանալ կարճ հղումը
Կրակոցներ Երևանի «Էրեբունի պլազայում» (20)
158 0 0

Երևանի կենտրոնում կրակոցներ արձակած տղամարդու որոշ պատասխանները հիմք են տալիս ենթադրելու, որ նրա նկատմամբ պետք է նշանակվի դատահոգեբուժական փորձաքննություն։

ԵՐԵՎԱՆ, 27 հունվարի — Sputnik. «Էրեբունի պլազա» ներխուժած Արթուր Թորոսյանի պաշտպան Էդուարդ Աղաջանյանը Sputnik Արմենիայի հետ զրույցում հայտնեց, որ իր պաշտպանյալը չի ընդունում առաջադրված մեղադրանքները։

«Էրեբունի պլազա» բիզնես կենտրոնում հունվարի 23-ին կրակոցներ էին հնչել։ Ոստիկանությունը 14։40 ահազանգ էր ստացել, որ շենքում զինված անձ կա։ Կրակոցներ արձակածին վնասազերծել էին ժամը 16։00–ին։ Ավելի ուշ հայտնի դարձավ, որ կրակողն Արտաշատի բնակիչ, 32-ամյա Արթուր Թորոսյանն է։ Նրան մեղադրանք առաջադրվեց ՀՀ քրեական օրենսգրքի 185–րդ հոդվածի 2–րդ մասով` ուրիշի գույքը դիտավորյալ վնասելու և 218–րդ հոդվածի 2–րդ մասով` պատանդ վերցնելը։ 

Ի՞նչ զենք է օգտագործել «Էրեբունի պլազա» ներխուժած անձը. ՔԿ–ն բացել է փակագծերը

«Պաշտպանյալս արդեն ցուցմունք է տվել, և դատարանը որպես խափանման միջոց է ընտրել կալանավորումը։ Մենք պատրաստվում ենք բողոքել խափանման դեմ։ Թորոսյանն իրեն մեղսագրված գործողություններն ընդունում է, զուտ իրավական որակավորումների հետ համաձայն չէ»,–ասաց փաստաբանը։

Աղաջանյանի խոսքով` քրեական օրենսգրքի 118-րդ հոդվածն ունի խրախուսման նորմ, ըստ որի` մարդն ազատվում է քրեական պատասխանատվությունի, եթե կամովի ազատել է պատանդին ու հրաժարվել է իր պահանջից։ Թորոսյանը համարում է, որ ինքը հենց այդպես է վարվել։ Նախաքննական մարմինը, սակայն, նշել է, որ այդ հարցը դեռ պետք է քննարկվի նախաքննության ընթացքում։

Աղաջանյանը հայտնեց, որ երբ Թորոսյանը պատանդ է վերցրել մեկին, պահանջել է, որ իրեն ներկայանա Ռոբերտ Քոչարյանի գրասենյակի ղեկավար Վիկտոր Սողոմոնյանը։ Սակայն հետագայում հրաժարվել է իր պահանջից ու պատանդին ազատ արձակել։

Փաստաբանի խոսքով` նախաքննական փուլում պարզվել է, որ Թորոսյանն իր զենքը օրինական ճանապարհով է ձեռք բերվել։

Ինչ վերաբերում է դատահոգեբանական փորձաքննությանը, ապա այն դեռ նշանակված չէ, սակայն փաստաբանը կարծում է`առաջիկա աշխատանքային օրն անպայման կնշանակվի։

«Ճիշտ է, պաշտպանյալս շատ հեշտ է կոնտակտի մեջ մտնում, ցուցմունք տալիս, պատրաստ է համագործակցել վարույթն իրականացնող մարմնի հետ, սիրով պատասխանում հարցերին։ Սակայն այլ հարց է, որ նրա որոշ պատասխաններ հիմք են տալիս ենթադրելու, որ նրա նկատմամբ պետք է նշանակվի դատահոգեբուժական փորձաքննություն»,–ասաց Աղաջանյանը։

Նշենք, որ Թորոսյանին մեղսագրված արարքներից մեկը, թե վնասել է ուրիշի գույքը, առաջադրվել է հաշվի առնելով այն հանգամանքը, որ նրա կրակոցների հետևանքով վնասվել են հյուրանոցի պատերը։

Հիշեցնենք, որ Արթուր Թորոսյանի հետ զենքը վայր դնելու բանակցություններ էր վարել անձամբ ՀՀ ոստիկանապետի ԺՊ Արման Սարգսյանը։ Բանակցությունների հետո տղամարդը ոստիկանության պետի պաշտոնակատարի ուղեկցությամբ նրա ծառայողական մեքենայով տեղափոխվել էր ոստիկանություն։ Վնասվածքներ ստացած քաղաքացիներ չկային։

Ինչու «Էրեբունի պլազա» ներխուժած տղամարդուն ձեռնաշղթաներ չեն հագցրել. հայտարարություն

թեմա:
Կրակոցներ Երևանի «Էրեբունի պլազայում» (20)

Ըստ թեմայի

Ոստիկաններ, շտապօգնության մեքենաներ, քաղաքացիներ. «Էրեբունի պլազան» փոթորկոտ էր. տեսանյութ
«Էրեբունի պլազայում» կրակոցներ արձակած 33–ամյա տղամարդուն ձերբակալել են
Իրավիճակը հաղթահարվեց հնարավոր ամենամեղմ սցենարով. Փաշինյանը բարձր է գնահատել Սարգսյանին
թեգերը:
տղամարդ, «Էրեբունի պլազա» բիզնես կենտրոն, Հայաստան

Գլխավոր թեմաներ