18:48 12 օգոստոսի 2020
Ուղիղ եթեր
  • USD485.00
  • GBP632.83
  • EUR570.60
  • RUB6.64
Հայաստան
Ստանալ կարճ հղումը
Կրակոցներ Երևանի «Էրեբունի պլազայում» (21)
99 0 0

Արման Սարգսյանը խոսել է «Էրեբունի պլազայում» հնչած կրակոցների և կրակոցներ արձակած տղամարդու հետ բանակցություններ վարելու մասին։

ԵՐԵՎԱՆ, 27 հունվարի — Sputnik. ՀՀ ոստիկանապետի ժամանակավոր պաշտոնակատար Արման Սարգսյանն այսօր լրագրողների հետ զրույցում հայտնեց, որ «Էրեբունի պլազայում» տեղի ունեցած դեպքի անարյուն հանգուցալուծումը ոստիկանության առջև դրված թիվ մեկ խնդիրն էր։

«Էրեբունի պլազա» բիզնես կենտրոնում հունվարի 23-ին կրակոցներ էին հնչել։ Ոստիկանությունը 14։40 ահազանգ էր ստացել, որ շենքում զինված անձ կա։ Կրակոցներ արձակածին վնասազերծել էին ժամը 16։00–ին։ Ավելի ուշ հայտնի դարձավ, որ կրակողն Արտաշատի բնակիչ, 32-ամյա Արթուր Թորոսյանն է։

Ի՞նչ զենք է օգտագործել «Էրեբունի պլազա» ներխուժած անձը. ՔԿ–ն բացել է փակագծերը

«Նախաքննական մարմինը հնարավորինս թույլատրելի սահմաններում տեղեկություն կտրամադրի դեպքի հետ կապված։ Մեր թիվ մեկ խնդիրն առանց որևէ միջադեպի, առանց վիրավորի, առանց զոհի այդ մարդուն տվյալ տարածքից դուրս բերելն էր, ինչը, կարծում եմ, բոլորիս բախտից բարեհաջող ավարտ ունեցավ»,–ասաց Սարգսյանը։

Հարցին, թե ոստիկանությունում չկա՞ր մասնագետ, որը կարող էր զինված անձի հետ բանակցել, ինչո՞ւ հենց ինքը բանակցեց, Սարգսյանը պատասխանեց, որ երբեմն լինում են իրավիճակից բխող գործողություններ, այդ պահին այդպես ստացվեց։

Հիշեցնենք, որ կրակոցներ արձակած տղամարդուն մեղադրանք է առաջադրվել ՀՀ քրեական օրենսգրքի 185–րդ հոդվածի 2–րդ մասով` ուրիշի գույքը դիտավորյալ վնասելու և 218–րդ հոդվածի 2–րդ մասով` պատանդ վերցնելը։ Թորոսյանի պաշտպան Էդուարդ Աղաջանյանը Sputnik Արմենիայի հետ զրույցում հայտնել էր, որ պաշտպանյալը չի ընդունում իրեն առաջադրված մեղադրանքները։

Ով է «Էրեբունի պլազա» ներխուժած Թորոսյանը. հարազատներն ու ծանոթները պատմել են նրա մասին

թեմա:
Կրակոցներ Երևանի «Էրեբունի պլազայում» (21)

Ըստ թեմայի

Բացառիկ տեսանյութ. ինչպես է զինված տղամարդը մտնում «Էրեբունի պլազա»
Ինչու «Էրեբունի պլազա» ներխուժած տղամարդուն ձեռնաշղթաներ չեն հագցրել. հայտարարություն
Ոստիկաններ, շտապօգնության մեքենաներ, քաղաքացիներ. «Էրեբունի պլազան» փոթորկոտ էր. տեսանյութ
թեգերը:
Արման Սարգսյան, կրակոց, «Էրեբունի պլազա» բիզնես կենտրոն, Հայաստան

Գլխավոր թեմաներ