12:50 04 ապրիլի 2020
Ուղիղ եթեր
  • USD502.97
  • GBP618.25
  • EUR543.86
  • RUB6.56
Հայաստան
Ստանալ կարճ հղումը
10910

Մովսես Հակոբյանը վստահեցնում է, որ 1980-ականների զենքերը լավագույնն են ոչ միայն մեր, այլ նաև աշխարհի շատ բանակների համար։

ԵՐԵՎԱՆ, 28 հունվարի — Sputnik. ՀՀ ՊՆ ռազմական վերահսկողական ծառայության պետ Մովսես Հակոբյանը կարծում է, որ 1980-ականների զենքերը եղել են, կան ու դեռ երկար ժամանակ լինելու են մեր բանակում։ Լրագրողների հետ զրույցում նա նման կարծիք հայտնեց` պատասխանելով հարցին, թե ՀՀ վարչապետ Նիկոլ Փաշինյանն ասել է, որ արդեն հրաժեշտ են տվել 80-ականների զենքերին։

Հիշեցնենք, որ հունվարի 25–ին Փաշինյանն իր ասուլիսի ժամանակ հայտարարել էր, որ ՀՀ կառավարությունը փակել է 1980–ականների զենքերի ամոթալի էջը, որովհետև վերջին տարիներին ձեռք բերված սպառազինությունը կա՛մ 2019 թվականի արտադրության է, կա՛մ ընդհանրապես չօգտագործված։

«1980-ականների զենքերը լավագույններից մեկն են։ Այն զենքերը, որոնք դեռևս արտադրվեն են 1967–ին ոչ միայն մեր բանակում, այլ նաև աշխարհում լավագույն զենքերից մեկն են, օրինակ` ԱԿ-74 ինքնաձիգը»,–ասաց Հակոբյանը։

Նա նշեց, որ պետք է ազնիվ լինել ու ասել, որ Հայոց բանակը 2016–ից հետո լավ սպառազինվել է, սակայն մինչ այդ էլ, երբ պաշտպանության նախարարը Վազգեն Սարգսյանն էր, նոր զենքեր էին ձեռք բերվում։

Նրա խոսքով` այսօր մեր բանակն ի վիճակի է իր առջև դրված խնդիրը կատարել։ Բայց, ըստ Հակոբյանի, եթե որևէ մեկը գտնում է, որ կարելի է դրանով բավարարվել ու նոր սպառազինություն ձեռք չբերել, սխալվում է։

Հակառակորդը գործողություններ անելուց առաջ կմտածի. Արամ Սարգսյանը` նոր զինատեսակների մասին

«Բանակն անընդհատ արդիականացման անհրաժեշտություն ունի»,–ասաց Հակոբյանը։

Հիշեցնենք, որ 2016–ի Ապրիլյան պատերազմից հետո Հայաստանի իշխանության հասցեին քննադատությունների տեղատարափ հորդաց ԶՈՒ–ի ոչ բավարար համալրվածության, ժամանակակից հարվածային միջոցների և կապի համակարգերի պակասի պատճառով։ ՀՀ նախագահ Սերժ Սարգսյանն էլ իր հարցազրույցում հայտարարել էր, որ առաջնագծում զինվորը կռվում էր անցյալ դարի 80-ականների զենքով։

Ըստ թեմայի

«Պատիվ ունես ծառայելու հայկական բանակում». սիրիահայ տղան իրականացնում է նաև հոր երազանքը
Արցախյան բանակցային գործընթացի մասին հարցը զայրացրեց Սերժ Սարգսյանին
«Դու հերոսի մայր ես, սա քո օրն է»․ ինչու՞ են հայերը Բանակի օրը նշում Եռաբլուրում
թեգերը:
ՀՀ Պաշտպանության նախարարություն (ՊՆ), Բանակ, Զենք, Նիկոլ Փաշինյան, Մովսես Հակոբյան

Գլխավոր թեմաներ