05:26 03 ապրիլի 2020
Ուղիղ եթեր
  • USD504.50
  • GBP628.41
  • EUR551.62
  • RUB6.43
Հայաստան
Ստանալ կարճ հղումը
Հայաստան և ԵԱՏՄ (166)
50 0 0

Հայաստանի վարչապետը նշել է գնագոյացման, սակագների և ծառայություններից օգտվելու ոլորտում ոչ խտրական մոտեցումներ ապահովելու կարևորությունը։

ԵՐԵՎԱՆ, 31 հունվարի — Sputnik. Ալմաթիում Եվրասիական միջկառավարական խորհրդի նիստի ժամանակ Հայաստանի Հանրապետության վարչապետ Նիկոլ Փաշինյանն ասել է, որ անհրաժեշտ է արագացնել ԵԱՏՄ ընդհանուր էներգետիկ և տրանսպորտային շուկաների ստեղծումը։

Նա ողջունել է Ռուսաստանի և Մոլդովայի վարչապետներ Միխայիլ Միշուստինին ու Իոնա Կիկուին և հավաստիացրել, որ Հայաստանը պատրաստակամ է ակտիվ ու արդյունավետ համագործակցության հարցում։

ԵԱՏՄ–ն ավելացնում է ՀՀ ներդրումային գրավչությունը. Փաշինյան

Խոսելով ԵԱՏՄ-ում ինտեգրացման մասին՝ Փաշինյանն ընդգծել է առկա պատնեշների և սահմանափակումների մասին, որոնք խոչընդոտում են ընդհանուր տնտեսական շուկայի ձևավորումը։

«Անհրաժեշտ է ակտիվացնել ԵԱՏՄ ընդհանուր էներգետիկ և տրանսպորտային շուկա ստեղծելուն ուղղված ջանքերը` ապահովելով գնագոյացման, սակագների, ծառայությունների հասանելիության ոլորտում ոչ խտրական մոտեցումներ», – ասել է Փաշինյանը։

Նրա խոսքով` ԵԱՏՄ մարմինների աշխատանքի արդյունավետության բարձրացումը և տրանսպորտային–լոգիստիկ ենթակառուցվածքների զարգացումը ևս մեկ ուղղություն է, որը պետք է լինի ուշադրության կենտրոնում։

Բացի դրանից, Հայաստանը կարևորում է մինչև 2025 թ–ն եվրասիական ինտեգրացիայի զարգացման ռազմավարական ուղղությունների վերաբերյալ փաստաթղթի վերջնական համաձայնեցումը։

«Հայաստանն ավանդաբար ակտիվորեն մասնակցում և աջակցում է ԵԱՏՄ թվային օրակարգի ստեղծման գործընթացին: Թվային, տրանսպորտային միջանցքների էկոհամակարգի ձևավորումը հնարավորություն կտա նվազեցնել ապրանքների և ծառայությունների սպառողի, արտադրողի և վաճառողի միջև հեռավորությունը», – նշել է վարչապետը։

Դա զգալիորեն կկրճատի առաքման, ինչպես նաև ապրանքների տեղափոխման օպտիմալ եղանակներն ու մեթոդները որոնելու ժամանակը՝ շուկան ավելի կատարյալ դարձնելով։

Վերջում նա կատարած աշխատանքի համար շնորհակալություն է հայտնել Եվրասիական տնտեսական հանձնաժողովին և նախագահ Տիգրան Սարգսյանին, արդյունավետ աշխատանք մաղթել Եվրասիական հանձնաժողովի նոր ղեկավար Միխայիլ Մյասնիկովիչին (Բելառուս)։

Նշենք, որ ՀՀ ԿԲ նախկին ղեկավար և ՀՀ նախկին վարչապետ Տիգրան Սարգսյանը հունվարի 31–ին կլքի ԵՏՀ կոլեգիայի նախագահի պաշտոնը։ Նա ԵՏՀ–ն գլխավորում է 2016 թվականի փետրվարի 1-ից։ 2020 թվականի փետրվարի 1-ից Սարգսյանին ԵՏՀ ղեկավարի պաշտոնում կփոխարինի Բելառուսի ներկայացուցիչ Միխայիլ Մյասնիկովիչը։

Հայաստանը պատասխանատու մոտեցում է դրսևորում ԵԱՏՄ–ի նկատմամբ. դեսպան Կոպիրկին

թեմա:
Հայաստան և ԵԱՏՄ (166)

Ըստ թեմայի

ԵԱՏՄ–ին ասենք` դուք աչք փակեք, մենք փող աշխատենք. ղազախները Հայաստանից ավտոմեքենա չեն տանի
ԵԱՏՄ–ն ջնջում է սահմանները. տեսանյութ
ՀՀ քաղաքացիները նոր ձևով թոշակ կստանան. ԵԱՏՄ-ն անցնում է կենսաթոշակի վճարման նոր համակարգի
Յուրաքանչյուր միություն ունի խճճված պատմություն. Արմեն Սարգսյանը` ԵԱՏՄ-ի մասին
թեգերը:
էլեկտրաէներգիա, Հայաստան, Նիկոլ Փաշինյան, Եվրասիական Տնտեսական Միություն (ԵԱՏՄ)

Գլխավոր թեմաներ