09:42 15 օգոստոսի 2020
Ուղիղ եթեր
  • USD484.83
  • GBP634.16
  • EUR571.91
  • RUB6.61
Հայաստան
Ստանալ կարճ հղումը
441 0 0

Վահագն Վերմիշյանի նման անձինք, ըստ ՀՀ վարչապետի, պետք է ենթարկվեն խստագույն պատասխանատվության։

ԵՐԵՎԱՆ, 6 փետրվարի — Sputnik. Քաղաքաշինության կոմիտեի նախագահ Վահագն Վերմիշյանի ձերբակալությունը, ըստ ՀՀ վարչապետ Նիկոլ Փաշինյանի, մի կողմից տխուր, վիրավորական, բայց, մյուս կողմից` ուրախ իրադարձություն է։ Փաշինյանը նման կարծիք հայտնեց այսօր կառավարության նիստի մեկնարկից առաջ` անդրադառնալով երեկ Վերմիշյանի աշխատասենյակում կատարված խուզարկության և նրա ձերբակալության փաստին։

«Վերմիշյանի ձերբակալությունը տխուր է, որովհետև ՀՀ դրոշի և զինանշանի ներքո, ժողովրդի անունից գործող պաշտոնյան կարող է ձեռքը երկարել կեղտոտ գործարքի համար։ Վիրավորական է, որ վարչապետի կողմից շնորհվող «Վաստակավոր շինարարի» կոչում ստանալուն աջակցելու համար նա 5000 դոլար կաշառք է ստացել։ Սա անձնական վիրավորանք է իմ հասցեին»,–ասաց Փաշինյանը։

Նրա խոսքով` նման անձինք պետք է ենթարկվեն խստագույն պատասխանատվության։ Մյուս կողմից, ըստ վարչապետի, սա ուրախ իրադարձություն է, քանի որ եթե ՀՀ–ում կար որևէ մեկը, որ կասկածում է կոռուպցիան արմատախիլ անելու` իշխանության կամքին` հիմա նրանք կհասկանան` ամեն ինչ շատ ավելի լուրջ է։

«Ամենաբարձրաստիճան ձերբակալությունը»․ Փաշինյանը խոսել է Վերմիշյանի մասին

Հիշեցնենք, որ երեկ ԱԱԾ–ն հայտնել էր` փաստական տվյալներ է ստացել, որ Քաղաքաշինության կոմիտեի նախագահը, պաշտոնեական դիրքը ծառայության շահերին հակառակ օգտագործելով և անձնական շահագրգռվածությունից ելնելով, շինարակական աշխատանքներ ծավալող անձանց կամ կառուցապատող ընկերությունների ներկայացուցիչների հետ ձեռք բերված պայմանավորվածությունների համաձայն ինչպես անձամբ, այնպես էլ մտերիմի միջոցով 5 դեպքով խոշոր և առանձնապես խոշոր՝ 1.000.000-2.500.000 ՀՀ դրամի չափով գումարի կամ ապրանքանյութական արժեքների տեսքով կաշառք ստանալու դիմաց 2019թ. ընթացքում նրանց օգտին կատարել է գործողություններ կամ նպաստել է ցանկալի որոշումների արագ կայացմանը և տրամադրմանը:

Բացի այդ, ՀՀ քաղաքաշինության կոմիտեի նախագահը 2019թ. հոկտեմբերի 23-ին իր աշխատասենյակում տեղի ունեցած հանդիպման ժամանակ պայմանավորվածություն է ձեռք բերել մի քանի շինարարական ընկերությունների սեփականատիրոջը «Հայաստանի վաստակավոր շինարարի» կոչման ներկայացնելու համար` դրա դիմաց որպես կաշառք ստանալով 2.379.950 դրամին համարժեք 5000 ԱՄՆ դոլար գումար և շուրջ 2.300.000 ՀՀ դրամին համարժեք շինանյութ։

Վերմիշյանին բերման չեն ենթարկել. ԱԱԾ աշխատակիցը մանրամասներ է ներկայացնում

Ըստ թեմայի

Վահագն Վերմիշյանին անհայտ անձինք տարել են. տեսանյութ
Հայտնի է` ովքեր են խուզարկել Վերմիշյանի աշխատասենյակը
Վահագն Վերմիշյանը ձերբակալվել է
թեգերը:
կոչում, մեդալ, Կաշառք, Ձերբակալում, Վահագն Վերմիշյան, Նիկոլ Փաշինյան

Գլխավոր թեմաներ