07:14 12 օգոստոսի 2020
Ուղիղ եթեր
  • USD485.32
  • GBP635.72
  • EUR572.14
  • RUB6.66
Հայաստան
Ստանալ կարճ հղումը
Հայաստանի Հանրապետության 4-րդ նախագահը (127)
328 0 0

ՀՀ նախագահականից հիշեցնում են, որ նախագահ Արմեն Սարգսյանը լրացնում է տարեկան հայտարարագիր: Այն բաց փաստաթուղթ է, որտեղ հստակ նշված են նախագահի եկամուտները և ֆինանսական միջոցները։

ԵՐԵՎԱՆ, 6 փետրվարի — Sputnik. Հայաստանի Հանրապետության նախագահ Արմեն Սարգսյանը կամ նրա ընտանիքի որևէ անդամ երբևէ՝ նախկինում, ներկայում ուղղակի կամ անուղղակի որևէ ներդրում չի կատարել և ապագայում չի կատարելու Ադրբեջանում կամ Թուրքիայում:

Հանրապետության նախագահի աշխատակազմի հասարակայնության հետ կապերի վարչությունը հայտարարություն է տարածել այս թեմայով` հաշվի առնելով Հանրապետության նախագահին առնչվող  որոշ հայտարարությունների վերաբերյալ տարբեր լրատվամիջոցներից մեզ ուղղված հարցադրումները։

«Նախագահ Արմեն Սարգսյանը լրացնում է տարեկան հայտարարագիր: Այն բաց փաստաթուղթ է, որտեղ հստակ նշված են նախագահի եկամուտները և  ֆինանսական միջոցները:

Բացի այդ, Արմեն Սարգսյանը երբևէ չի եղել British Petrolium ընկերության բաժնետեր: Ինչպես նշված է նախագահի պաշտոնական կենսագրության մեջ, նա եղել է ընկերության ավագ խորհրդատու, և, պայմանագրի համաձայն, Կովկասը բացառված է եղել  նրա գործունեության շրջանակներից: Բացի այդ, British Petrolium -ը բաց բաժնետիրական ընկերություն է, որի բոլոր բաժնետերերը հայտնի են: Համացանցից օգտվել իմացող  ցանկացած մարդ հեշտությամբ կարող է գտնել նրանց անունները»,–ասված է հայտարարության մեջ:

Արմեն Սարգսյանը համաձայն չէ ԱԺ–ի հետ. նա դիմել է ՍԴ

Նշված է, որ գոյություն ունեն Knightsbridge տեղանունը ներառող հարյուրավոր ընկերություններ, որոնք գործունեություն են ծավալում  իրարից խիստ տարբեր  ոլորտներում, աշխարհի տարբեր երկրներում և ունեն տարբեր սեփականատերեր ու բաժնետերեր: Knightsbridge տեղանունը ներառող ընկերությունների փոքր խումբը, որի հետ առնչություն է ունեցել Արմեն Սարգսյանը, արդեն վաղուց գոյություն չունի, այդ ընկերություններից և ոչ մեկը երբևէ  որևէ ներդրում չի կատարել British Petrolium ընկերության ծրագրերում և Ադրբեջանում:

«Հնչեցվող մեկնաբանություններն անհիմն են ու մտացածին»,–ասված է հայտարարության մեջ:

Հիշեցնենք` օրեր առաջ «Ադեկվադ» միաբանության անդամները նավթի տակառներ էին տարել նախագահական նստավայր` նվիրելու ՀՀ նախագահ Արմեն Սարգսյանին։
Միաբանության անդամները պնդում էին, որ իրենց տեղեկություններ են հասել այն մասին, որ ՀՀ նախագահ և Մեծ Բրիտանիայի քաղաքացի Արմեն Սարգսյանը «փայ» ունի Ադրբեջանի գազային և նավթային ենթակառուցվածքներում։

թեմա:
Հայաստանի Հանրապետության 4-րդ նախագահը (127)

Ըստ թեմայի

«Վարկի տակ էի մտնելու». նախագահն իրականացրել է Sputnik Արմենիայի նախագծի հերոսի երազանքը
Փաշինյանն ու Սարգսյանը հանդիպել են
Բանակը մեր ընտանիքն է. Արմեն Սարգսյանը շնորհավորել է տոնի առթիվ
թեգերը:
Մեղադրանք, Ներդրում, Թուրքիա, Ադրբեջան, նավթ, Նախագահ, Արմեն Սարգսյան

Գլխավոր թեմաներ