05:37 25 մայիսի 2020
Ուղիղ եթեր
  • USD482.24
  • GBP587.08
  • EUR525.21
  • RUB6.71
Հայաստան
Ստանալ կարճ հղումը
ՀՀ վարչապետ Նիկոլ Փաշինյան (1019)
62710

ՀՀ վարչապետ Նիկոլ Փաշինյանի բանաստեղծությունը համացանցում հակասական տրամադրություններ է առաջացրել։

ԵՐԵՎԱՆ, 7 փետրվարի — Sputnik. ՀՀ վարչապետ Նիկոլ Փաշինյանը Facebook-ում քնարական գրառում է արել` հրապարակելով Հայաստանին նվիրված իր բանաստեղծությունը։

«Հայաստանը մի երկիր է, ուր ճամփեքն են մոլորվում,

Խորովածի կրակի շուրջ ընկերներն են բոլորվում,

Հայաստանը մի երկիր է, ուր աշունը ջինջ է, տաք,

Ու շողում են խաղողի մեջ գինիները անապակ»,– սա բանաստեղծության առաջին քառատողն է:

Դատելով օգտատերերի արձագանքից` հանրությունն այն հավանել է։ Դրանից ոգեշնչված որոշ օգտատերեր իրենք էլ սկսել են ստեղծագործել։

«Հայրենիքս ձմռանն էլ է գարուն ուզում, հայոց հողը տաքությունից է շատ ջերմանում»,– գրել է նրանցից մեկը։

Իսկ մեկ ուրիշն էլ, վարչապետից ոգեշնչվելով, խորհրդային ոչ վաղ անցյալն է հիշել ու Հակոբ Հակոբյանի հայտնի բանաստեղծությունը «խմբագրել»։

«Հե՜յ, ձե՛զ մատաղ, բանվո՛ր տղերք,

Մե՛կ էլ, մե՛կ էլ, մի զարկ տվեք,

Մի զա՛րկ տվեք Սերժի գահին

Որ խորտակվի նա հիմնովին»,– գրել է նա։

Քնարերգությունը` քնարերգություն, բայց, իհարկե, չի շրջանցվել նաև քաղաքականության թեման։

Փաշինյանի հետևորդներից ոմանք անդրադարձել են Սահմանադրական հանրաքվեի մասին որոշմանը. «Վերջապես արեցիք այն, ինչ հայ ժողովուրդը վաղուց ակնկալում էր ձեզանից: Հանրաքվեն վերջ կդնի հին ռեժիմի վերջին գալարումներին: Նրանց օրհասը շատ մոտ է: Իսկ հեղափոխության հաղթարշավը շարունակվում է: ԴՈՒԽՈՎ»։

Ոմանք էլ խորհուրդ են տվել` ինչը կարող է լինել Փաշինյանի հաջորդ կարևոր անելիքը։ «Բանակում «ինքնասպանությունների» հարցը լուծեք։ Այնպես լինի, որ սիրով մեր զավակներին ուղարկենք ծառայելու հայրենիքին։ Սպաներին դուխ տվեք, որ կարողանան «պաշտոնյա պապաներ» ի լակոտների դեմն առնել կարողանան»,– գրել է օգտատերերից մեկը։

Մեկ ուրիշն էլ շատ ավելի խիստ է արձագանքել. «Բավական է ծաղրեք հասարակությանը»։

Իհարկե, չի մոռացվել նաև հումորը։ Գյումրեցի օգտատերերն իրենց հատուկ հումորով ու բարբառով են պատասխանել վարչապետին. «Վանեցյանին չթողնուք Լեննագանից սկսե շրջելը։ Արդեն սորվավ կախարդական քաղաքի տեղը»։

Ի դեպ, վարչապետի այս գրառումը 1100 մեկնաբանություն ու ավելի քան 16 հազար «լայք» ունի, թեև բանաստեղծությունը հանրությանը պետք է որ արդեն ծանոթ լիներ։ Նիկոլ Փաշինյանն այն մեկ անգամ արդեն հրապարակել էր 2019թ–ի սեպտեմբերի 11-ին։

թեմա:
ՀՀ վարչապետ Նիկոլ Փաշինյան (1019)

Ըստ թեմայի

Փաշինյանն ու մյուսները. քանի ժամ են քնում երկրների առաջնորդները
Առանց դրական հարցի, բայց կատակներով․ Փաշինյանի ասուլիսի զավեշտալի դրվագները
Արցախի ռեստորաններից մեկում Փաշինյանին ՀԴՄ չեն տվել. «Կտրոն չխփողը գողանում է զինվորից»
թեգերը:
բանաստեղծություն, Նիկոլ Փաշինյան, Հայաստան

Գլխավոր թեմաներ