14:45 31 մարտի 2020
Ուղիղ եթեր
  • USD500.80
  • GBP620.19
  • EUR554.34
  • RUB6.30
Հայաստան
Ստանալ կարճ հղումը
10510

Նախորդ տարի Տավուշի մարզի որոշ համայնքների ուղղությամբ ընդհանրապես կրակոցներ չեն հնչել:

ԵՐԵՎԱՆ, 7 փետրվարի – Sputnik. Տավուշի մարզպետ Հայկ Չոբանյանն այսօր հրավիրված ասուլիսի ժամանակ հայտնեց, որ մարզում նախորդ տարի նվազել է ոչ միայն սահմանին հնչող, այլև բնակավայրերին ուղղված կրակոցների թիվը։ Մարզպետն այս մասին ասաց՝ պատասխանելով Sputnik Արմենիայի հարցին, թե բնակավայրերին ուղղված կրակոցները որքանո՞վ են խանգարել գյուղատնտեսական աշխատանքներին:

«Նախորդ տարի բացառիկ էր բնակավայրերին ուղղված կրակոցների քանակի առումով, քանի որ դրանք էապես նվազել են: Ավելին, որոշ համայնքների ուղղությամբ ընդհանրապես կրակոցներ չեն հնչել: 2019-ի վերջին դիպուկահարների որոշակի աշխուժություն նկատվեց սահմանին, սակայն, բարեբախտաբար, ողջ տարվա ընթացքում խաղաղ բնակիչների շրջանում զոհ չենք ունեցել»,-ասաց մարզպետը:

Նրա խոսքով՝ 2019-ին գյուղատնտեսական աշխատանքներն իրականացվել են անվտանգ, առանց որևէ կրակոցի:

Չոբանյանը նշեց, որ գյուղացիները զգուշավորություն ցուցաբերում են, բայց սահմանամերձ գոտում գյուղատնտեսական խաղաղ աշխատանքների ապահովման համար մարզպետարանն արդեն իսկ քայլեր է ձեռնարկել: Տավուշի մարզպետարանը կառավարությանն է ներկայացրել ծրագիր, ըստ որի՝ անտառներում որոշակի պաշտպանիչ շերտեր կհիմնվեն, որոնք կապահովեն գյուղատնտեսական աշխատանքների խաղաղ ապահովմանը: Նախագիծն արժանացել է կառավարության հավանությանը:

Հիշեցնենք, որ ՀՀ վարչապետ Նիկոլ Փաշինյանն ընթացիկ տարվա հունվարի 10-ին Facebook սոցիալական ցանցի իր էջում գրել էր, որ բանակում երբեք ավելի քիչ զոհ չի եղել, քան 2019 թվականին: Նրա խոսքով՝ 2019 թվականի ընթացքում Հայոց բանակում (բոլոր պատճառներով) զոհերի պատմական մինիմում է արձանագրվել։

Ռանչպարցիների քթի տակով անգամ ճանճն աննկատ չի անցնի. սահմանապահ գյուղացիների զգոն առօրյան

 

Ըստ թեմայի

Թշնամու քթի տակ ապրող խաղաղ Չինարին` լուսանկարներով
Հայաստանի օնլայն խանութներում կարելի է գնել սահմանամերձ գյուղերի հուշանվերները
Երաժշտությունը բարձրացրինք, որ կրակոցները չլսվեն. Կոթիի հարսանիքը` գնդակոծության տակ
Ինչ են մտածել սփյուռքահայ ուսանողները գյուղը զարգացնելու և երկիրն անվտանգ պահելու համար
թեգերը:
կրակոց, Տավուշ, Հայաստան

Գլխավոր թեմաներ