ԵՐԵՎԱՆ, 11 փետրվարի — Sputnik. Երևանի քաղաքապետ Հայկ Մարությանը հույս ունի, որ այս տարի կհասցնեն 100 ավտոբուս ձեռք բերել քաղաքային տրանսպորտի համար: Լրագրողների հետ զրույցում Մարությանը նման կարծիք հայտնեց` անդրադառնալով հանրային տրանսպորտի խնդրին։
Երևանի տրանսպորտը 2021–ին էլ չի կարգավորվի. ինչ են խոսել վարչապետն ու քաղաքապետը
«Փետրվարին տենդեր կհայտարարենք 100 միավոր ավտոբուսների ձեռքբերման համար։ Հուսով եմ` թիմը, որն աշխատում է տենդերի ձևակերպման վրա, կհասցնի տեխնիկական բնութագիրը ներկայացնել, որ տենդերը կայանա»,–ասաց Մարությանը։
Նրա խոսքով` քաղաքապետարանն աշխատում է կառավարության հետ, որ թույլ տան վարկային միջոցներ վերցնել։ Երևանի քաղաքապետը նշեց` ամեն ինչ կանեն, որ աշնանն արդեն իսկ 100 ավտոբուս ունենան։ Սակայն, մյուս կողմից, Մարությանը չգիտի` ընկերությունները կհասցնե՞ն միանգամից 100 ավտոբուս տրամադրել, թե ոչ։
Երևանի տրանսպորտային նոր համակարգի համար վարկ է պետք. Մարությանը խոսեց ծրագրից
Հիշեցնենք, որ Երևանի քաղաքապետ Հայկ Մարությանը 2019թ.–ի սեպտեմբերին հայտարարել էր` տրանսպորտի խնդիրը կլուծվի երկու տարվա ընթացքում։
Կլուծվի՞ վերջապես Երևանի տրանսպորտի խնդիրը. քաղաքապետարանը շարունակում է բանակցությունները
