ԵՐԵՎԱՆ, 12 փետրվարի — Sputnik. Ազգային անվտանգության ծառայությունը հայտնում է, որ բժշկասոցիալական փորձաքննության գործակալության նախագահն ու անդամները կաշառք վերցնելու համար ձերբակալվել են։
«ՀՀ աշխատանքի և սոցիալական հարցերի նախարարության բժշկասոցիալական փորձաքննության գործակալության Գեղարքունիքի թիվ 2 բժշկասոցիալական փորձաքննության հանձնաժողովի նախագահը նույն հանձնաժողովի անդամների և բուժվիճակագրի հետ նախնական համաձայնությամբ պահանջել ու ստացել է կաշառք։ Նա կաշառք է ստացել հաշմանդամության տևողության ժամկետը հաստատելու, խումբը փոխելու համար»,–նշված է ԱԱԾ հաղորդագրության մեջ։
Կոտայքում հանգուցյալների հարազատներից կաշառք են վերցրել. ԱԱԾ–ն նոր տեսանյութ է հրապարակել
Բժշկասոցիալական փորձաքննության հանձնաժողովի նախագահը կաշառքից մասնաբաժին է տվել նաև հանձնաժողովի անդամներին։
ՀՀ քրեական օրենսգրքի համապատասխան հոդվածներով ԱԱԾ քննչական դեպարտամենտում հարուցված քրեական գործի շրջանակներում ենթադրյալ հանցագործություն կատարած 4 անձինք հերթական անգամ կաշառք ստանալիս բռնվել են:
Կատարված խուզարկությամբ հայտնաբերվել է կաշառքը, որից հետո հիշյալ անձինք բերման են ենթարկվել և ձերբակալվել։
Պաշտոնատար անձ հանդիսացող հանձնաժողովի նախագահը և նրա հանցակիցները խոստովանել են կատարած հանցագործությունը: Նախաքննությունը շարունակվում է։
Կաշառքի դիմաց ազատվել են զինծառայությունից ու ժամկետից շուտ զորացրվել
