23:12 22 փետրվարի 2020
Ուղիղ եթեր
  • USD478.35
  • GBP617.79
  • EUR517.05
  • RUB7.43
Հայաստան
Ստանալ կարճ հղումը
102 0 0

Ազգային ժողովը երկար ու բուռն քննարկումների արդյունքում ընդունեց Առողջապահության նախարարության առաջարկած հակածխախոտային օրենքը։

ԵՐԵՎԱՆ, 13 փետրվարի — Sputnik. ՀՀ ազգային ժողովը երկրորդ ընթերցմամբ և ամբողջությամբ ընդունեց հակածխախոտային աղմկահարույց օրինագիծը, որին դեմ արտահայտվողների թվում ոչ միայն ընդդիմադիր, այլև իշխանական խմբակցության ներկայացուցիչներն էին։

Ծխիր կանոններով. երբ և ինչու են բարձրացնելու ծխախոտի ու ալկոհոլի ակցիզային հարկը

Օրենքն արգելում է ծխելը հանրային փակ տարածքներում ու հանրային սննդի բոլոր օբյեկտներում:

«Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքի նախագծի և կից ներկայացված օրենքների նախագծերի փաթեթը երկրորդ ընթերցմամբ ԱԺ–ում ներկայացրեց ՀՀ առողջապահության փոխնախարար Լենա Նանուշյանը:

Առաջինից երկրորդ ընթերցմամբ քննարկման ընթացքում նախագծում կատարված որոշ փոփոխություններ անընդունելի որակեցին անգամ իշխանական «Իմ քայլը» խմբակցության անդամները։

Սասուն Միքայելյանն առաջարկեց դեմ քվեարկել օրինագծին կամ այն հետ ուղարկել լրամշակման։

«Լուսավոր Հայաստան» խմբակցության պատգամավոր Գուրգեն Բաղդասարյանը նշեց, որ նախարարությունը խոստացել է մի բան,  ներկայացրել ուրիշ բան։ «Պետք է դեմ քվեարկել օրենքի նախագծին»,– ասաց նա։

Օրինագծի առաջին տարբերակից երկրորդ ընթերցման համար ներկայացրած նախագծից հանվել է «կիսափակ» տարածք հասկացությունը։ Օրենքն այժմ արգելում է ծխելը միայն փակ տարածքներում: Փոխարենն ավելացվել է «հանրային սննդի բոլոր օբյեկտներ» արտահայտությունը։

Ինչ «ճակատագիր» կունենա ծխախոտը. Սարգսյանը` ԵԱՏՄ-ում ակցիզային հարկի դրույքաչափի մասին

Օրենքը տուգանքներ է նախատեսում արգելված վայրերում ծխելու համար:

«Իմ քայլը» խմբակցության պատգամավոր Բաբկեն Թունյանը քվեարկությունից առաջ նշեց, որ ողջունում են նախագիծը, նախաձեռնությունը, բայց տեսնում են որոշ խնդրահարույց կետեր։ Եվ քանի որ խմբակցությունում տարբեր կարծիքներ կան, որոշել են երկրորդ ընթերցմամբ քվեարկությունը թողնել ազատ:

Այդուհանդերձ, Թունյանն առաջարկեց նախագծի ընդունումից անմիջապես հետո ստեղծել աշխատանքային խումբ՝ օրենքում փոփոխություններ կատարելու համար։

«Բարգավաճ Հայաստան» խմբակցության պատգամավոր Արթուր Գրիգորյանը նշեց, որ իրենց դիրքորոշումը միանշանակ կողմ է, սակայն պատրաստ են կողմ քվեարկելուց հետո ձևավորել աշխատանքային խումբ՝ շտկելու խնդիրները:

Նախագիծն ընդունվեց ձայների 76 կողմ, 16 դեմ և 17 ձեռնպահ հարաբերակցությամբ։

Բրոդսկին վատ օրինակ է, կամ հայերը պատրա՞ստ են սուրճն առանց ծխախոտի խմել

Ըստ թեմայի

Ծխողները դժգոհ կլինեն. ծխախոտի վաճառքը սահմանափակող օրինագիծը հավանության արժանացավ
Ինչ սահմանափակումներ են նախատեսված ծխողների համար
Դաս հայ գործարարներին․ ինչպես է «Թոմասյան» ծխախոտը նվաճել Եվրոպան
Եղիսաբեթ II-ին թագուհի դարձրին սերն ու ծխախոտը. արդեն 68 տարվա գահակալություն
թեգերը:
ՀՀ Առողջապահության նախարարություն, օրինագիծ, ԱԺ, ՀՀ Ազգային ժողով, Պատգամավոր, Օրենք, ծխախոտ

Գլխավոր թեմաներ