14:13 10 հուլիսի 2020
Ուղիղ եթեր
  • USD486.60
  • GBP615.69
  • EUR551.22
  • RUB6.87
Հայաստան
Ստանալ կարճ հղումը
153 0 0

Հայաստանի զինված ուժերի գլխավոր շտաբի պետ Արտակ Դավթյանը մեկնաբանել է այս տարվա ընթացքում հայկական բանակում գրանցված մահվան 13 դեպքերն ու դրանց ծառայողական քննությունների արդյունքները։

ԵՐԵՎԱՆ, 18 փետրվարի — Sputnik. Հայաստանի զինված ուժերի գլխավոր շտաբի պետ Արտակ Դավթյանն այսօր ԱԺ–ում, լրագրողների հետ հանդիպման ժամանակ հայտնեց, որ հանդիպել է այս տարվա ընթացքում հայկական բանակում գրանցված 13 զոհերի ընտանիքներին, այցելել զորամասեր։

«13 զոհերից 4–ը հիվանդության հետևանքով են եղել, 4-ը` դժբախտ պատահարի։ Ես եղել եմ և՛ թաղմանը, և՛ զորամասերում եմ եղել։ Դրանից չեմ խորշում»,– ասաց նա։

Խոսելով մահվան դեպքերի համար պատասխանատու սպայական անձնակազմի մասին` Դավթյանը նշեց, որ պատասխանատուները կպարզվեն քրեական գործերի ավարտին։ Զուգահեռաբար զորամասերում անցկացվում են նաև ծառայողական քննություններ։

«Ելնելով ծառայողական քննության արդյունքներից` կանոնադրությամբ օժտված բոլոր իրավունքներով մենք ունենք և՛ պաշտոնից հեռացումներ, և՛ սպայական կազմից զորացրումներ։ Նաև ասեմ, որ ունենք խրախուսումներ նրանց նկատմամբ, ովքեր ինքնասպանություններ են կանխել»,– ասաց Դավթյանը։

ԳՇ պետի ներկայացրած վիճակագրության համաձայն` 2019թ–ի հունիսից առ այսօր ՀՀ ԶՈՒ–ում կանխվել է ինքնասպանության 8 դեպք։

Բացասական երևույթներն առկա են ինչպես բանակում, այնպես էլ հասարակության մեջ։ Դավթյանի խոսքով` չի կարող լինել մի բան, որ հանրության մեջ կա, ու դա չլինի բանակում։

«Այսօր այդ հարցով բավականին շատ քննարկումներ եղան, պարզաբանումներ, և բավականին շատ աշխատելու դաշտ, իհարկե, ունենք»,– ասաց ԳՇ պետը։

Բարձրաստիճան զինվորականը հայտնեց նաև, որ բանակում արտոնյալների ուղղությամբ ևս աշխատանքներ են իրականացվում։

«Հաշվառումներ ունենք և՛ օպերատիվ ճանապարհով ստացված, և՛ զորամասում աշխատողներից»,– ասաց նա` չցանկանալով բացահայտել, թե ինչ աշխատանքներ են իրականացվում։

Ինչպե՞ս կանխել ինքնասպանությունները զինված ուժերում. փորձագետի կարծիք

Նշենք, որ Արտակ Դավթյանն այսօր փակ հանդիպման էր հրավիրվել ԱԺ–ում։ Քննարկումը կազմակերպել են Ազգային ժողովի պաշտպանության և անվտանգության հարցերի և մարդու իրավունքների պաշտպանության և հանրային հարցերի մշտական հանձնաժողովները:

Պատգամավորների ու շտաբի պետի քննարկմանը ներկա են եղել նաև զինված ուժերի մի շարք բարձրաստիճան սպաներ: Փակ հանդիպումից հետո Արտակ Դավթյանը պատասխանել է լրագրողների հարցերին:

Հիշեցնենք` 2020թ.-ի հունվարի 1-ից փետրվարի 16-ն ընկած ժամանակահատվածում ՀՀ զինված ուժերում և ԱՀ պաշտպանության բանակում գրանցվել է մահվան 13 դեպք:

Պաշտոնական տեղեկություններով՝ մահացության դեպքերը եղել են հիվանդության կամ դժբախտ պատահարի հետևանքով, գրանցվել են նաև ինքնասպանությունների դեպքեր։

Բանակի գործերին չափից շատ միջամտելը կխանգարի. Սեյրան Օհանյանը` դժբախտ դեպքերի մասին

Ըստ թեմայի

Երբ թշնամին նաև ներսից է. ինչո՞ւ է բանակում մթնոլորտը սպանող
Բանակում մահվան դեպքերի հետ կապված` Փաշինյանը խորհրդակցություն է հրավիրել
Բանակի հանդեպ անվստահությունը կործանարար է պատերազմող երկրի համար. Իշխանյան
Բանակում պաշտոնանկություններ կլինե՞ն. Փաշինյանը գրառում է արել
թեգերը:
Բանակ, Արտակ Դավթյան, Հայաստան

Գլխավոր թեմաներ