14:18 01 ապրիլի 2020
Ուղիղ եթեր
  • USD504.47
  • GBP622.36
  • EUR553.45
  • RUB6.46
Հայաստան
Ստանալ կարճ հղումը
158321

ՀՀ նախագահ Արմեն Սարգսյանը ստորագրեց Ռազմական ոստիկանապետին և ԶՈւ բարոյահոգեբանական ապահովման վարչության պետին աշխատանքից ազատելու որոշումները։

ԵՐԵՎԱՆ, 19 փետրվարի — Sputnik. ՀՀ վարչապետ Նիկոլ Փաշինյանի առաջարկով ՀՀ նախագահ Արմեն Սարգսյանը ստորագրել է Ռազմական ոստիկանապետ Արթուր Բաղդասարյանին և ԶՈւ բարոյահոգեբանական ապահովման վարչության պետ Ալեքսան Ալեքսանյանին պաշտոնից ազատելու որոշումները:

Начальник военной полиции Министерства обороны РА полковник Артур Багдасарян на военном пантеоне «Ераблур»
© Sputnik / Asatur Yesayants
Արթուր Բաղդասարյան

Նշենք, որ Արթուր Բաղդասարյանը ՀՀ ՊՆ ռազմական ոստիկանության պետի պաշտոնում նշանակվել է 2017 թվականի մայիսի 25-ին: Իսկ 2020–ի հունվարի 27–ին ՀՀ նախագահի հրամանով նրան շնորհվել է գեներալ-մայորի կոչում։

Ալեքսան Ալեքսանյանը ՀՀ ԶՈՒ բարոյահոգեբանական ապահովման վարչության պետի պաշտոնում նշանակվել է 2019 թվականի նոյեմբերի 28-ին:

Ալեքսանյանը 2012–ին ստացել է գեներալ–մայորի զինվորական կոչում։ Պարգևատրվել է «Սուրբ Վարդան Մամիկոնյան» շքանշանով, «Հայրենիքի մատուցած ծառայությունների համար» 1-ին աստիճանի, ՀՀ և ԼՂՀ Մարտական ծառայության պետական, «Մարշալ Բաղրամյան», «Անդրանիկ Օզանյան», «Դրաստամատ Կանայան», «Գարեգին Նժդեհ», «Անբասիր ծառայության համար» 1-ին, 2-րդ, 3-րդ, 4-րդ աստիճանների և այլ գերատեսչական մեդալներով, անվանական զենքով: 1992–ից 2003թթ նա ՀՀ ԶՈւ կազմում զբաղեցրել է տարբեր ղեկավար պաշտոններ։

Հիշեցնենք` 2020 թվականի հունվարի 1-ից մինչև փետրվարի 17-ը Արցախի և Հայաստանի Զինված ուժերում գրանցվել է զինծառայողների մահվան 13 դեպք, որից 4-ը դժբախտ պատահարի հետևանքով են, 4-ը պայմանավորված են ծառայության հետ առնչություն չունեցող հանգամանքներով՝ հիվանդություն, անձնական խնդիրներ։ Մնացած 5 դեպքերի առթիվ հարուցված են քրեական գործեր, հանգամանքները պարզվում են:

Начальник управления по работе с личным составом генерал-майор Алексан Алексанян
Ալեքսան Ալեքսանյանը

Հիշեցնենք նաև, որ փետրվարի 17-ին վարչապետի մոտ խորհրդակցություն էր տեղի ունեցել` զինված ուժերում մահվան դեպքերի հետ կապված, որից հետո Նիկոլ Փաշինյանը գրել էր, որ կայացվել են մի շարք կարևոր, այդ թվում՝ կադրային փոփոխությունների հետ կապված որոշումներ:

Ըստ թեմայի

Արցախում 20-ամյա զինծառայողի մահվան գործով մի շարք սպաների զորացրել են ԶՈՒ շարքերից. ՊԲ
«Պարտված ենք բոլորս». ԶՈւ ԳՇ պետի հետ ԱԺ երկու հանձնաժողովները փակ քննարկում կունենան
Ապատեղեկատվություն է. Արծրուն Հովհաննիսյանը` ադրբեջանական ԶՈՒ–ի ուղղությամբ կրակելու մասին
թեգերը:
Զոհ, Զինվոր, Բանակ, Նիկոլ Փաշինյան, Արմեն Սարգսյան, ազատում, Ալեքսան Ալեքսանյան, Արթուր Բաղդասարյան, պաշտոն, Զինված ուժեր, Ռազմական ոստիկանություն

Գլխավոր թեմաներ