09:35 29 մարտի 2020
Ուղիղ եթեր
  • USD498.43
  • GBP608.88
  • EUR548.22
  • RUB6.40
Հայաստան
Ստանալ կարճ հղումը
77 0 0

ԱԺ–ում կազմակերպված լսումների ընթացքում ընդդիմադիր պատգամավորը հայտարարեց, որ կոռուպցիան այդ համակարգում եղել է ու նոր իշխանություններին էլ է դուր եկել։

ԵՐԵՎԱՆ, 21 փետրվարի — Sputnik. Պետական գնումների ոլորտը կարգավորող գործող օրենսդրությունը բավարար չէ նոր Հայաստանի առաջադրած ցուցանիշներին հասնելու համար։ Այսօր այս մասին ԱԺ ամբիոնից հայտարարեց «Բարգավաճ Հայաստան» խմբակցության պատգամավոր Սերգեյ Բագրատյանը`«Պետական գնումների համակարգի հիմնախնդիրները և դրանց լուծման ուղիները» թեմայով խորհրդարանական լսումների ժամանակ։

Գաբրիելյան. «Նախորդ 9 տարում պետական գնումների համակարգի հարցում սխալ ենք թույլ տվել»

Ավելի համոզիչ լինելու համար ընդդիմադիր պատգամավորը բերեց բոլորին հայտնի Պողոսի օրինակը, եթե նա մասնակցեր նախկին իշխանությունների կազմակերպած պետգնումների մրցույթին։

«Երբ որ որոշել էին, որ Պողոսը պիտի բերի այս բաժակը, Պողոսին ասում էին` գնա ՌԴ–ում կամ Բելառուսում պայմանավորվիր բաժակ արտադրողի հետ։ Սա գնում, պայմանավորվում էր, էքսկլյուզիվ պայմանագիր էր կնքում, որ այդ բաժակից ՀՀ ներկրելու իրավունք ունի միայն X կազմակերպությոսւնը։ Հետո մրցույթի չափոփոշիչների մեջ գրում էին, որ 10 սմ բարձրություն ունենա, տրամագիծն այսքան լինի, մակերեսն` այսքան, մինչև անգամ թափանցիկությունը գրում էին։ Մի հատ էլ ասում էին` անուն–ազգանունն էլ վրան գրիր, որ մենք հայտարարենք մրցույթ հենց այդ բաժակի մասին»,– ասաց Բագրատյանը։

Ուզում ես դպրոցականներին հաց ու միս մատակարարե՞լ. պետգնումների կարգը կպարզեցվի

Նրա խոսքով` եթե անգամ որևէ մեկին հաջողվեր գտնել այդ բաժակն արտադրող կազմակերպությանը, նրան ասում էին, որ ՀՀ–ից դրա բացառիկ իրավունքը պատկանում է X կազմակերպությանը։

«Բնականաբար, դու չէիր կարող ապահովել սա, և իրենք հաղթող էին հայտարարվում»,– ասաց Բագրատյանը` հավելելով, որ նման մրցույթների հետևանքով ՀՀ տնտեսությունը մոնոպոլիզացվեց, և այսօր Հայաստանում 20 000 ապրանքատեսակ գերիշխող դիրք են գրավում շուկայում։

Սերգեյ Բագրատյանի դիտարկմամբ` այս մեխանիզմն այսօր էլ Հայաստանում շարունակում է գործել, որովհետև «շատերին դուր է եկել այդ պրոցեսը»։

Բացի այդ, Բագրատյանի համոզմամբ, պետական մրցույթներում հաղթում են ոչ թե արտադրող կազմակերպությունները, այլ միջնորդները, որոնք ոչինչ չունեն, բայց լավ ընկեր ունեն պետական համակարգում։

Քննարկմանը մասնակցող ՀՀ ֆինանսների նախարար Ատոմ Ջանջուղազյանը նշեց, որ Պողոսի բաժակի հետ կապված Սերգեյ Բագրատյանի նկարագրած իրավիճակը օրենսդրական կարգավորմամբ բացառելն ուղղակի անհնար է։

«100 տոկոսով համաձայն եմ բոլոր դիտարկումների հետ, որոնք կապված են գնման առարկայի նկարագրությունների հետ։ Դա ամենակարևոր հարցերից մեկն է։ Եթե գնման առարկան ճիշտ չի նկարագրվում, նույնիսկ պատահականորեն գնման գործընթացի արդյունքում մենք լավ արդյունք չենք կարող ունենալ»,– ասաց նախարարը։

Բայց ներկա փուլում օրենքի կարգավորումը փոխելը Ատոմ Ջանջուղազյանն, այնուամենայնիվ, ճիշտ չի համարում, քանի որ չկա հստակ հիմնավորում, թե ինչի հիման վրա է այն փոխվում ու ինչ է ակնկալվում այդ փոփոխությամբ։

Հայաստանում ինչ–որ բան այն չէ. ինչ դասեր պիտի քաղի իշխանությունը 2020 թվականի համար

Ըստ թեմայի

Դավիթ Սանասարյանը հիշեց անմեղության կանխավարկածի մասին. ինչպես ասում են` բարև ձեզ
Նստարանները լինեն, դնելու տեղ կգտնվի. քաղաքապետարանը 82 մլն-ի նստարան է պատվիրել
Խոչընդոտները պետք է վերացնել. Լուկաշենկոն նշեց ԵԱՏՄ-ն ուժեղացնելու բաղադրատոմսը
թեգերը:
Բարգավաճ Հայաստան կուսակցություն (ԲՀԿ), Սերգեյ Բագրատյան, Ատոմ Ջանջուղազյան, կոռուպցիա, Հայաստան, Պետական գնումներ

Գլխավոր թեմաներ