15:51 08 ապրիլի 2020
Ուղիղ եթեր
  • USD499.37
  • GBP614.92
  • EUR543.06
  • RUB6.62
Հայաստան
Ստանալ կարճ հղումը
289 0 0

Գերատեսչությունը ևս մեկ անգամ հորդորում է զերծ մնալ Իրան այցելելուց, իսկ Իրանում գտնվող քաղաքացիներին՝ կապ հաստատել դեսպանության հետ։

ԵՐԵՎԱՆ, 22 փետրվարի – Sputnik. ՀՀ արտգործնախարարությունը հայտնում է, որ Հայաստանն ուշիուշով հետևում է նոր տիպի կորոնավիրուսի բռնկումների դեպքերին և տարածվածությանն ամբողջ աշխարհում:

«Մեր տարածաշրջանում իրադրության համալիր գնահատման առումով սերտորեն համագործակցում ենք Իրանի և Վրաստանի մեր գործընկերների հետ՝ տեղեկատվության փոխանակման, ինչպես նաև անհրաժեշտ քայլերի և հնարավոր սցենարների դիտարկման ուղղությամբ: Ձեռնարկվող քայլերի մասին կտեղեկացնենք հավելյալ»,– նշված է հաղորդագրության մեջ:

ԱԳՆ հորդորում է ՀՀ քաղաքացիներին առանց հրատապ անհրաժեշտության զերծ մնալ Իրան այցելելուց, իսկ ներկայումս Իրանում գտնվող քաղաքացիներին՝ կապ հաստատել ԻԻՀ-ում ՀՀ դեսպանության հետ։

Հիշեցնենք`2019 թվականին դեկտեմբերին Չինաստանի իշխանությունը հայտարարեց Ուհան քաղաքում անհայտ ծագման վարակի տարածման մասին։ Պարզվեց` հիվանդության հարուցիչը նոր տեսակի կորոնավիրուսն է։

Մեղրիի անցակետում հսկողությունը կուժեղացվի. Իրանում կորոնավիրուսով վարակվածները 5-ն են

Ենթադրվում է, որ վարակը մարդկանց է փոխանցվել վայրի կենդանիներից։  Գիտականորեն ապացուցվել է, որ փոխանցման հիմնական գործոն են դարձել թեթև նախուտեստները, մասնավորապես՝ ծովամթերքից և օձից պատրաստված։

2020 թ.–ի փետրվարի 21–ի դրությամբ Չինաստանում կորոնավիրուսի զոհերի թիվը հասել է 2236-ի։ Վարակվածության հաստատված դեպքերն անցել են 75,4 հազարի ցուցանիշը։

Կորոնավիրուսն առարկաների վրա կարող է ապրել ավելի երկար, քան ենթադրվում էր․ հետազոտություն

Մահաբեր վիրուսն արդեն դուրս է եկել Չինաստանի սահմաններից ու անգամ Հայաստանին սահմանակից Իրան հասել։ Փետրվարի 19–ին Իրանի իշխանությունը հաստատեց երկրում կորոնավիրուսի վարակի երկու դեպքի մասին տեղեկությունը։ Այսօրվա դրությամբ արդեն Իրանում կորոնավիրուսը 5 մարդու կյանք է խլել։ ՀՀ առողջապահության նախարարությունը փետրվարի 20–ին հայտարարել էր, որ ուժեղացվել են Իրանի հետ սահմանի Մեղրիի սահմանային անցակետով անցնող, ինչպես նաև Իրանից օդանավով Հայաստան ժամանող ուղևորների հսկողությունը: Կասկածելի բոլոր դեպքերում կատարվում է նաև հսկողություն Հայաստանի ամբողջ տարածքում:

ՀՀ–ում մինչ օրս կորոնավիրուսով վարակի դեպք չի գրանցվել:

Ըստ թեմայի

Մոլորակի բնակչության 66%–ը կարող է կորոնավիրուսով վարակվել. ԱՀԿ փորձագետ
Անտոնյան. «Կորոնավիրուսի դեմ պատվաստանյութն արդեն փորձարկվում է կենդանիների վրա»
Կորոնավիրուսի պատճառով կսահմանափակեն iPhone–ի մատակարարումն ամբողջ աշխարհով
թեգերը:
Իրանի Իսլամական Հանրապետություն, ՀՀ Արտաքին գործերի նախարարություն. ԱԳՆ, կորոնավիրուս, Հայաստան

Գլխավոր թեմաներ