15:19 05 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հայաստան
Ստանալ կարճ հղումը
634 0 0

Կորոնավիրուսի հավանական վարակակիր մի քանի կենդանի մոսկովյան կրկեսի հետ Հայաստան չեն բերվել, սակայն ելույթի ծրագրին դա չի խանգարել։

Երևան, 24 փետրվարի – Sputnik. Երևանի Լեոնիդ Ենգիբարյանի անվան կրկեսը ենթադրաբար կբացվի մինչև 2020 թ.–ի նոյեմբերը: Sputnik Արմենիայի մուլտիմեդիոն մամուլի կենտրոնում այսօր` փետրվարի 24–ին: Այս մասին ասաց Կրկեսի գործիչների միության նախագահ, Երևանի կրկեսի գեղարվեստական ղեկավար, պրոֆեսոր Սոս Պետրոսյանը։

Художественный руководитель ереванского цирка профессор Сос Петросян на пресс-конференции в пресс-центре Sputnik Армения (24 февраля 2020). Еревaн
© Sputnik / Aram Nersesyan
Կրկեսի գործիչների միության նախագահ, Երևանի կրկեսի գեղարվեստական ղեկավար, պրոֆեսոր Սոս Պետրոսյանը

Երևանի կրկեսի շինարարությունը սկսվել է 2011 թ–ի մարտին, երբ մայրաքաղաքի քաղաքապետարանը և «Տաշիր» ընկերությունների խումբը համապատասխան համաձայնագիր ստորագրեցին։ Ի սկզբանե ծրագրվում էր պարզապես վերանորոգել հին շենքը, բայց այնուհետև «Տաշիր» ընկերությունների խումբը որոշեց նորը կառուցել։ 2012 թ.–ին կրկեսի հին շենքը քանդեցին։

«Ես կրկեսի մասին գիրք եմ գրել և հրատարակել։ Շատ ավելի հեշտ էր հրապարակել այդ գիրքը, քան պատասխանել հարցին, թե երբ է Հայաստանում կրկեսը բացվելու»,–ասաց Պետրոսյանը։

Նա նշեց, որ շինարարական աշխատանքները կատարվում են առանց պետական ֆինանսավորման, և նրանք, ովքեր կրկեսի կառուցումն իրենց վրա են վերցրել, արժանի են հատուկ երախտագիտության։ Ներկայում շինարարները զբաղված են կրկեսի առաջին և երկրորդ հարկերի աշխատանքներով։ Երևանյան կրկեսը ենթադրաբար կբացվի մինչև 2020 թ.–ի նոյեմբերը։

Художественный руководитель ереванского цирка профессор Сос Петросян на пресс-конференции в пресс-центре Sputnik Армения (24 февраля 2020). Еревaн
© Sputnik / Aram Nersesyan
Կրկեսի գործիչների միության նախագահ, Երևանի կրկեսի գեղարվեստական ղեկավար, պրոֆեսոր Սոս Պետրոսյանը

Նշենք, որ նոր շենքը բաղկացած է 8 հարկից` 6 վերգետնյա և 2 ստորգետնյա։ Շենքի բարձրությունը 28.5 մետր է, դահլիճը հաշվարկված է 2300 նստատեղի համար։ Առաջին հարկի բարձրությունը կազմում է 4.5 մետր, 2-5-րդ հարկերինը` 3.3 մետր, իսկ վերջինը` 4.1 մետր։ Ներքևի հարկերում հատուկ տարածքներ են առանձնացված արագ սննդի կետերի, կինոթատրոնի և զվարճանքների կենտրոնի համար։ Շենքը սեփական ավտոկայանատեղի ունի։ Շրջակա տարածքը ևս բարեկարգված և կանաչապատված է։

Մինչ կրկեսը կբացվի

Մնջախաղի մեծ արտիստ Լեոնիդ Ենգիբարյանի ծննդյան 85-ամյակի նախօրեին Հայաստանում է գտնվում մոսկովյան «Գրանդ Մանեժ» կրկեսը։ 25 արտիստից բաղկացած թատերախումբը Հայաստանում կհյուրընկալվի մինչև հունիսի 1-ը։

Մոսկովյան «Գրանդ Մանեժ» կրկեսի տնօրեն Սոֆյա Մինասյանը նշեց, որ կրկեսը հյուրախաղեր է ունենալու նաև Երևանից դուրս։

Директор московского цирка Гранд Манеж Софья Минасян на пресс-конференции в пресс-центре Sputnik Армения (24 февраля 2020). Еревaн
© Sputnik / Aram Nersesyan
Մոսկովյան «Գրանդ Մանեժ» կրկեսի տնօրեն Սոֆյա Մինասյանը

«Մենք ծրագրում ենք ելույթ ունենալ նաև Հայաստանի մյուս քաղաքներում և մեկնել Ղարաբաղ»,– ասաց Մինասյանը։

Նրա խոսքով` ծրագիրը ներառում է բոլոր կրկեսային ժանրերը, այնպիսի բարդագույն խմբակային համարներ, ինչպիսիք երևանյան հանդիսատեսը դեռ չի տեսել` ամերիկյան անիվից մինչև օդային հնարքներ։

Այս ընթացքում կորոնավիրուսն իր շտկումներն է մտցրել նաև կրկեսային ծրագրում։ Ինչպես նշեց Մինասյանը, Ռուսաստանում և Վրաստանում հայտարարված մեկուկես ամիս կարանտինի պատճառով իրենք համարներին մասնակցող մի քանի կենդանի չեն բերել իրենց հետ։

Директор московского цирка Гранд Манеж Софья Минасян (в фокусе) на пресс-конференции в пресс-центре Sputnik Армения (24 февраля 2020). Еревaн
© Sputnik / Aram Nersesyan
Կրկեսի գործիչների միության նախագահ, Երևանի կրկեսի գեղարվեստական ղեկավար, պրոֆեսոր Սոս Պետրոսյանը և մոսկովյան «Գրանդ Մանեժ» կրկեսի տնօրեն Սոֆյա Մինասյանը` Sputnik Արմենիայի մուլտիմեդիոն մամուլի կենտրոնում կայացած ասուլիսի ժամանակ

«Այդ կենդանիները կարող են հիվանդ չլինել, բայց վարակակիր լինել։ Այդ պատճառով մենք նրանց չենք բերել՝ փոխարինելով այդ կենդանիների մասնակցությամբ համարները և փոփոխելով ծրագիրը»,–ասաց Մինասյանը։

Երևանյան հանդիսատեսը կրկեսային շոուն կկարողանա տեսնել յուրաքանչյուր ուրբաթ, շաբաթ և կիրակի 18։00–ին։ Ծրագիրը հաշվարկված է 2 ժամվա համար` անտրակտով։

Ենգիբարովին մոռացե՞լ են

Ցավոք, Լեոնիդ Ենգիբարյանի 85-ամյակը կանցնի ճիշտ այնպես, ինչպես 80-ամյակը` առանց հատուկ շքեղության։ Ինչպես նշեց Պետրոսյանը, ինքն այդ հարցով հանդիպել է կրթության, գիտության, մշակույթի և սպորտի փոխնախարար Արա Խզմալյանի հետ։

«Խզմալյանն ինքն էր ինձ հրավիրել։ Մենք զրուցեցինք, և նա խոստացավ, որ տեսչությունը համապատասխան աջակցություն կցուցաբերի։ Առայժմ լրացուցիչ տեղեկություն չկա»,–ասաց Պետրոսյանը` ավելացնելով, որ իրեն արդեն հրավիրել են Ռուսաստանի մի շարք քաղաքներ` մնջախաղի վարպետի հոբելյանին նվիրված միջոցառումներին մասնակցելու։

Շուտով կլուծվի նաև Ենգիբարյանի հուշարձանին հատկացվելիք տարածքի ընտրության հարցը։ Նախնական տվյալներով` այն կկանգնեցվի կրկեսի կողքի զբոսայգում։

Ե՞րբ կշահագործվի Երևանի կրկեսի նոր շենքը. շինարարները վստահ են` սպասելու համար չենք ափսոսա

Ըստ թեմայի

Վարդանյան եղբայրները ելույթ կունենան Երևանյան կրկեսի բացմանը
Ե՞րբ վերջապես կբացվի Երևանի կրկեսը, և ի՞նչ տեսք ունի շենքը ներսից. լուսանկարներ
Նոր նշանակում. Երևանի նորակառույց կրկեսի ճարտարապետը կգլխավորի քաղաքաշինության կոմիտեն
թեգերը:
կորոնավիրուս, Սոս Պետրոսյան, ասուլիս, կրկես, Երևան

Գլխավոր թեմաներ