23:17 31 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հայաստան
Ստանալ կարճ հղումը
Հայաստան և ԵԱՏՄ (183)
81 0 0

Մաքսատուրքի բարձրացման հետաձգման որոշումը ներառում է երրորդ երկրներից ներկրվող բոլոր ապրանքները` բացառությամբ մեքենաների։

ԵՐԵՎԱՆ, 27 փետրվարի — Sputnik. Եվրասիական տնտեսական միությանը միանալուց հետո 2020–ի հունվարի 1-ից նախատեսված մաքսատուրքերի բարձրացումը կհետաձգվի մեկ տարով՝ բացառությամբ ավտոմեքենաների. նման որոշում կայացվեց կառավարության` այսօր կայացած նիստի ժամանակ։

«647 ապրանքների մասով արտոնությունը կերկարաձգվի մինչև այս տարվա վերջ, որի արդյունքում 30 մլն դոլարով պակաս մաքսատուրք կվճարենք։ Խոսքը մսի, կարագի, թանկարժեք մետաղների և դրանցից պատրաստված իրերի, դեղորայքի մասին է»,–ասաց փոխվարչապետ Մհեր Գրիգորյանը։

Նրա խոսքով` որոշումը ներառում է երրորդ երկրներից ներկրվող բոլոր ապրանքները` բացառությամբ մեքենաների։

Ի պատասխան ՀՀ վարչապետ Նիկոլ Փաշինյանը հայտնեց, որ հույս ունի` փոփոխության արդյունքում խնայված առնվազն 30 մլն դոլարը ճիշտ կօգտագործեն տնտեսության հետագա զարգացմանը նպաստելու համար։

Հայաստանը հեղափոխությունից հետո սկսել է ավելի շատ գումար վճարել ԵԱՏՄ բյուջե 

Հիշեցնենք, որ 2020թ.-ի հունվարի 1-ին ավարտվում էր երրորդ երկրներից որոշ ապրանքների ներկրման համար ԵԱՏՄ համաձայնագրի շրջանակներում Հայաստանին տրամադրված արտոնյալ ժամկետը։  Նախատեսվում էր, որ հունվարի 1-ից Հայաստան ներկրվող 900 անուն ապրանքատեսակներ կթանկանան։

ՀՀ էկոնոմիկայի նախարարությունը Sputnik Արմենիային էր տրամադրել թանկացող ապրանքների ցանկը։ Մսամթերքը հունվարի 1-ից պետք է թանկանար 15-25 տոկոսով, ձեթն ու կարագը` 15, դեղորայքը` մինչև 6.5 տոկոսով։ Թանկացող ապրանքների շարքում են նաև ավտոմեքենաները։ 900 ապրանքատեսակներից 293-ը տրանսպորտային միջոցներն են։

թեմա:
Հայաստան և ԵԱՏՄ (183)

Ըստ թեմայի

Հայ ոսկերիչների համար ԵԱՏՄ–ում ավելի հեշտ կլինի իրացնել ապրանքը. նախարարն ասել է` երբ
ԵԱՏՄ–ն ավելացնում է ՀՀ ներդրումային գրավչությունը. Փաշինյան
Նոր կանոններ` ԵԱՏՄ երկրներում սահմանով կանխիկ գումարի տեղափոխման համար. ինչ է նախատեսված
Վերադառնում ենք «սովե՞տ», թե՞ ԵԱՏՄ, կամ ինչու Հայաստանում ոսկու շուկաներին չեն վստահում
թեգերը:
թանկանալ, Դեղ, կարագ, Միս, Եվրասիական Տնտեսական Միություն (ԵԱՏՄ)

Գլխավոր թեմաներ