09:28 02 հունիսի 2020
Ուղիղ եթեր
  • USD483.02
  • GBP598.37
  • EUR536.78
  • RUB6.92
Հայաստան
Ստանալ կարճ հղումը
26501

ԱԱԾ տնօրենի պաշտոնակատար Էդուարդ Մարտիրոսյանն ԱԺ–ում պատասխանել է վարչապետ Փաշինյանի հիշատակած դավաճան իրավապահների մասին հարցին։

ԵՐԵՎԱՆ, 3 մարտի — Sputnik. ԱԱԾ տնօրենի պաշտոնակատար Էդուարդ Մարտիրոսյանն այսօր ԱԺ–ում, պատասխանելով «Լուսավոր Հայաստան» խմբակցության պատգամավոր Գևորգ Գորգիսյանի հարցին, հայտարարեց` ԱԱԾ–ն զբաղված է ինքնամաքրմամբ։

«Մաքրելու ենք։ Ինքնամաքրման գործընթացով ենք զբաղվելու։ ԱԱԾ–ն մաքրվելու է այն անձանցից, որոնք դավաճան են, հայրենասեր չեն ու արատավորում են սպայի պատիվը»,– ասաց Մարտիրոսյանը` պատասխանելով պատգամավորի հարցին, թե ինչ է անում ԱԱԾ–ն իր շարքերում դավաճաններին հայտնաբերելու ուղղությամբ, որոնց մասին հիշատակել էր ՀՀ վարչապետ Նիկոլ Փաշինյանը։

Կոնկրետ դավաճանության մեջ մեղադրվող կամ կասկածվող անձանց վերաբերյալ ճշտող հարցին ԱԱԾ ղեկավարը հստակ պատասխան չտվեց` խոստանալով տվյալներ լինելուն պես տեղեկացնել։

«Սադրողներին» գաղտնալսելը երկսայր սուր է. արդյո՞ք Փաշինյանին դա պետք է

Հիշեցնենք` փետրվարի 26-ին իրավապահ մարմինների ղեկավարների մասնակցությամբ խորհրդակցության ընթացքում Փաշինյանն անդրադարձել էր կոռուպցիայի դեմ պայքարին` նշելով, որ թե՛ հանրությունը, թե՛ ինքն անձամբ բավարարված չեն կոռուպցիայի դեմ պայքարում գրանցած արդյունքներով։ Իսկ հարուցվող քրեական գործերն, ըստ վարչապետի, որպես կանոն, փակուղի են մտել այն պատճառով, որ իրավապահների ամենաբարձր օղակներում եղել են դավաճաններ, որոնք կոռուպցիայի դեմ պայքարի ծխածածկույթի տակ առաջնորդվել են այլ հաշվարկներով ու հանձնարարություններով։

«Սարոյան եղբայրներ», կամ երբ «պրո» և «հակա» փաշինյանական կռիվները ընտանիք են քանդում

Ըստ թեմայի

Քանի անգամ են փորձել անցնել ՀՀ սահմանն ու թմրանյութ ներկրել. ԱԱԾ–ն ամփոփել է 2019 թվականը
Հայտնի է` ով է Սուրեն Պապիկյանի անձնական գաղտնիքը հանրայնացնող ԱԱԾ պաշտոնյան
ԱԱԾ–ն բացահայտել է անօրինական միգրացիայի կազմակերպման հերթական դեպքը
թեգերը:
Էդուարդ Մարտիրոսյան, ՀՀ ազգային անվտանգության ծառայություն. ԱԱԾ, Հայաստան

Գլխավոր թեմաներ