18:33 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Հայաստան
Ստանալ կարճ հղումը
85 0 0

Աննա Նաղդալյանը նշել է, որ Թուրքիան չի կարող միջամտել այս հարցին, քանի որ Հայաստանի և հայ ժողովրդի նկատմամբ ոչ բարեկամական քաղաքականություն է վարում, իսկ Ադրբեջանին ռազմաքաղաքական աջակցություն է ցուցաբերում։ 

ԵՐԵՎԱՆ, 3 մարտի – Sputnik. Թուրքիան չի կարող ԼՂ հիմնախնդրի խաղաղ կարգավորման գործընթացում որևէ դերակատարում ունենալ։ Այսպես է արձագանքել ՀՀ ԱԳՆ խոսնակ Աննա Նաղդալյանը Թուրքիայի արտգործնախարար Մևլութ Չավուշօղլուի այն հայտարարությանը, թե ԵԱՀԿ Մինսկի խումբը պետք է որոշում ընդունի «Ադրբեջանի տարածքային ամբողջականության, ինքնիշխանության և միջազգայնորեն ճանաչված սահմանները հարգելու շրջանակներում»։

Նաղդալյանը նշել է, որ Թուրքիան չի կարող միջամտել այս հարցին, քանի որ Հայաստանի և հայ ժողովրդի նկատմամբ ոչ բարեկամական քաղաքականություն է վարում, որը ԼՂ հակամարտության համատեքստում արտահայտվում է նաև Ադրբեջանին ցուցաբերվող միակողմանի ռազմաքաղաքական աջակցությամբ։ 

Հիշեցնենք` Թուրքիայի արտգործնախարարը մարտի 2–ին հանդիպել էր ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտինի (Ֆրանսիա), Էնդրյու Շեֆերի (ԱՄՆ) և ԵԱՀԿ նախագահի անձնական ներկայացուցիչ Անջեյ Կասպշիկի հետ:

Չավուշօղլուն ԵԱՀԿ ՄԽ համանախագահներից պահանջել է ավելի արդյունավետ աշխատել

Հանդիպման ժամանակ նա ասել էր, որ ԵԱՀԿ Մինսկի խումբը պետք է բարձրացնի ղարաբաղյան հակամարտության կարգավորման ուղղությամբ աշխատանքի արդյունավետությունը և որոշում ընդունի ի օգուտ Ադրբեջանի։

Սրան հետևեց ՀՀ արտգործնախարար Զոհրաբ Մնացականյանի արձագանքը Twitter–ում։ 

«Բժի՛շկ, բժշկեա՛ զանձն քո», գրել էր Մնացականյանը` նշելով, որ Թուրքիայի ԱԳ նախարար Մևլութ Չավուշօղլուի՝ ԼՂ հակամարտության վերաբերյալ ԵԱՀԿ Մինսկի խմբի համանախագահներին տրված խորհուրդը մտաբերել է տալիս Ղուկաս 4:23-ը։

Ըստ թեմայի

Սարգսյան. «Հիմա ոչ մեկի համար հասկանալի չէ, թե Ղարաբաղյան խնդրում ինչի շուրջ են բանակցում»
Զոհրաբ Մնացականյանն ու Կոնստանտին Կոսաչևը քննարկել են Ղարաբաղյան հակամարտության հարցը
Առաջընթաց կա «փոքր քայլերի» հարցում. ՌԴ ԱԳՆ–ն` ղարաբաղյան կարգավորման մասին
Ղարաբաղյան հարցի նոր բովանդակություն է ձևավորվում. Փաշինյանը բացատրեց՝ ինչի մասին է խոսքը
թեգերը:
ԵԱՀԿ Մինսկի Խումբ, Մևլութ Չավուշօղլու, Ղարաբաղյան հակամարտություն, Լեռնային Ղարաբաղ, Զոհրաբ Մնացականյան, ՀՀ Արտաքին գործերի նախարարություն. ԱԳՆ, Հայաստան, Աննա Նաղդալյան

Գլխավոր թեմաներ