10:47 27 մայիսի 2020
Ուղիղ եթեր
  • USD483.82
  • GBP595.63
  • EUR530.41
  • RUB6.81
Հայաստան
Ստանալ կարճ հղումը
283 0 0

ԿԳՄՍ նախարար Արայիկ Հարությունյանը մասնավոր ուսումնական հաստատություններին նույնպես կոչ է անում դադարեցնել պարապմունքներն առնվազն մինչև մարտի 23–ը։

ԵՐԵՎԱՆ, 13 մարտի – Sputnik. Կորոնավիրուսի տարածումը կանխարգելելու նպատակով մինչև մարտի 23–ը դադարեցվում են պարապմունքները բոլոր ուսումնական հաստատություններում։ Տեղեկությունը Facebook-ի ուղիղ եթերում վերահաստատեց ԿԳՄՍ նախարար Արայիկ Հարությունյանը` մասնավոր ուսումնական հաստատություններին կոչ անելով հետևել պետական հաստատությունների օրինակին։

Հարությունյանը նշեց, որ հետագա ցուցումներով շրջաբերականը շուտով պատրաստ կլինի։ Այն կուղարկեն բոլոր ուսումնական հաստատություններին։

Կաթիլային է ընդունել և գնացել նշանդրեքի. մեկուսացվել են կնոջ հետ շփված ոսկերիչը, վարսավիրը

Նախարարը տեղեկացրեց, որ հետագայում հավելյալ պարապմունքներ կկազմակերպվեն, իսկ քննությունները կանցկացվեն ավելի ուշ։ Այս ընթացքում կփորձեն տեսակապի միջոցով կապ պահել աշակերտների հետ, որպեսզի վերջիններս շատ հետ չմնան պարապմունքներից։ 

«Այս պահի դրությամբ մենք մշակութային օջախների փակման վերաբերյալ որոշում չունենք։ Ես գիտեմ, որ էս լուրերի հետևանքով քիչ տոմսեր են ծախվում։ Մենք առհասարակ կոչ ենք անում, որ մեր հայրենակիցները զերծ մնան ավելորդ կուտակումներից»,–ասաց Հարությունյանը։

Նա նշեց, որ հետագա քայլերի մասին հանրությանը լրացուցիչ կտեղեկացնեն։

Հիշեցնենք`Հայաստանում կորոնավիրուսով վարակվելու առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ է: Նա Իրանից Հայաստան էր ժամանել փետրվարի 28-ին:
Մարտի 11-ին ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի երեք նոր դեպք է բացահայտվել։ Երկուսը ՀՀ քաղաքացի են (45 և 27 տարեկան), մեկը՝ Իտալիայի (51 տարեկան)։

Մարտի 12-ի երեկոյան ՀՀ վարչապետն ու առողջապահության նախարարը հայտարարեցին ևս 2 նոր հաստատված դեպքի մասին։ Նրանցից մեկը վարակակիրներից մեկի ամուսինն է, մյուսը՝ մորաքրոջ տղան։ Նրանք տեղափոխվել են Նորքի ինֆեկցիոն հիվանդանոց։

Այսօր` մարտի 13–ին, Հայաստանում կորոնավիրուսով վարակվելու ևս 2 դեպք է հաստատվել։

Մարտի 12-ի դրությամբ Ծաղկաձորում պաշտոնապես մեկուսացված է ընդհանուր առմամբ 98 մարդ։ Նրանցից 31-ը 2 շաբաթ ժամկետով «Գոլդեն փելես» հյուրանոց են տեղափոխվել դեռ մարտի 1–ին։ Մարտի 11-ին հյուրանոց են տեղափոխել ևս 10 մարդու, իսկ մարտի 12-ին` ևս 57–ին։ Նրանք բոլորը ուղիղ շփում են ունեցել կորոնավիրուսով վարակված մարդու հետ:

Հայաստանում կորոնավիրուսի ևս 2 դեպք է բացահայտվել, վարակակիրների ընդհանուր թիվը դարձավ 8

Ըստ թեմայի

Կառավարությունում կորոնավիրուսի հետ կապված խորհրդակցությունը բուռն է անցել. Սինանյան
Ինչպես են ապրում Ծաղկաձորում կորոնավիրուսի պատճառով մեկուսացվածները, ով է նրանց կերակրում
Կորոնավիրուսով վարակվածների, մահացածների և բուժվածների թիվն աշխարհում. մարտի 13-ի տվյալներ
թեգերը:
կորոնավիրուս, Արայիկ Հարությունյան, Կրթության, գիտության, մշակույթի և սպորտի նախարարություն (ԿԳՄՍ)

Գլխավոր թեմաներ