17:44 30 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հայաստան
Ստանալ կարճ հղումը
Կորոնավիրուսը աշխարհում (918)
31400

Իտալիայից Հայաստան հատուկ չվերթով երեկ գիշեր ժամանել են ՀՀ 67 քաղաքացիներ։

ԵՐԵՎԱՆ, 16 մարտի — Sputnik. Իտալիայից Հայաստան հատուկ չվերթով ժամանած 67 քաղաքացիներին մեկուսացրել են Դիլիջանում։

Sputnik Արմենիայի տեղեկություններով` նրանց մի մասին տեղափոխել են «Լեռնային Հայաստան» առողջարան, իսկ մյուս մասին` Մոնթե Մելքոնյան վարժարան։ Ի դեպ, Sputnik Արմենիայի զանգին ի պատասխան «Լեռնային Հայաստան» առողջարանից այս լուրը հաստատեցին։

ՀՀ ՊՆ մամուլի խոսնակ Շուշան Ստեփանյան էլ Facebook սոցցանցի իր էջում հաստատել է ինֆորմացիան, որ Իտալիայից հատուկ չվերթով ժամանած ՀՀ քաղաքացիները մեկուսացվել են Դիլիջանում տեղակայված Մոնթե Մելքոնյանի անվան ռազմամարզական վարժարանի տարածքում։

«Ըստ անհրաժեշտության ՊՆ-ն, պետական գերատեսչությունների հետ համագործակցելով, իր ամբողջ ներուժն ու ենթակառուցվածքներն ի սպաս է դնելու կորոնավիրուսի կանխարգելման և վերացման համար: Միաժամանակ տեղեկացնում եմ, որ ուսուցման կազմակերպման գործընթացի վրա այս որոշումը որևէ ազդեցություն չի ունենալու»,–գրել է նա։

Ինչպես են դիմավորել Իտալիայից Հայաստան ժամանած 67 քաղաքացիներին. լուսանկարներ

Նրա խոսքով` վարժարանն ունի առանձնացված ենթակառուցվածքներ, որտեղ էլ մեկուսացվել են ուղևորները։  Ստեփանյանը նշել է` նման որոշում է կայացվել` ելնելով ՀՀ բնակչության սանիտարահամաճարակային անվտանգության ապահովման մասին ՀՀ օրենքի 8-րդ հոդվածից։ Այն սահմանում է պետական և տեղական ինքակառավամարման մարմինների լիազորությունները բնակչության սանիտարահամաճարակային անվտանգության ապահովման բնագավառում, ըստ որի` ՊՆ-ն կառավարության կողմից լիազորված է կոորդինացնելու, օգտագործելու իր բոլոր ենթակառուցվածքներն ու միջոցները սանիտահիգիենիկ և համաճարակային միջոցառումների կազմակերպման և բնակչության, առաջին հերթին զինծառայողների, սանիտարահամաճարակային անվտանգությունն ապահովելու համար:

Ստեփանյանի խոսքով` վարժարանի տարածքը կանխարգելիչ միջոցառումներից հետո կախտահանվի:

Նշենք, որ կուրսանտները այս պահին գտնվում են արձակուրդում, մինչև մարտի 23–ը փակ են բոլոր կրթական հաստատությունները։

Հիշեցնենք, որ Հայաստանում արդեն կորոնավիրուսով վարակվելու 30 դեպք է հաստատվել։ Առաջին վարակակիրը, որի մասին հայտնի դարձավ մարտի 1-ին, 29-ամյա մի տղամարդ էր, որն Իրանից էր եկել Հայաստան։ Նա արդեն իսկ կազդուրվել է։

Ինչ իրավիճակ է աշխարհում կորոնավիրուսի տարածման առումով. նոր տվյալներ

Նշենք, որ կորոնավիրուսի տարածման օջախ դարձած Էջմիածնի 27 ելքերից գործելու են միայն 3-ը։ Առնվազն մինչև մարտի 23-ը ՀՀ-ում չեն գործելու կրթական հաստատությունները։ ՀՀ ԿԳՄՍ նախարար Արայիկ Հարությունյանի հանձնարարությամբ` հատուկ առցանց հարթակներ են ստեղծվում հեռավար ուսուցում կազմակերպելու համար։ Չեն գործելու նաև թատրոնները, համերգասրահները, առևտրի խոշոր կենտրոնները, մի շարք մարզասրահներ։

թեմա:
Կորոնավիրուսը աշխարհում (918)

Ըստ թեմայի

Չի կարելի հրապարակել վարակակիր կամ վարակի կասկածով մարդկանց նույնականացնող տվյալներ. ՄԻՊ
Ղազախստանում արտակարգ դրություն է. արգելվել է օտարերկրացիների մուտքը երկրի տարածք
Հայաստանում կորոնավիրուսով առաջին վարակվածը կպարգևատրվի խրախուսական պատվոգրով. Փաշինյան
թեգերը:
Դիլիջան, Հայաստան, Իտալիա, կորոնավիրուս

Գլխավոր թեմաներ