ԵՐԵՎԱՆ, 16 մարտի — Sputnik. Սահմանադրական բարեփոխումների հանրաքվեի քվեարկության օրվանից 20 օր առաջ ՀՀ ընտրողների ռեգիստրում ընդգրկված, հանրաքվեին մասնակցելու իրավունք ունեցող թիվը 2 580 349 է։ Տվյալները հրապարակել է ՀՀ ոստիկանությունը։
«Այլ համայնքի հաշվառում ունեցող, ըստ հաշվառման վայրի հանրաքվեին մասնակցելու իրավունք ունեցող քաղաքացիների ցուցակից ժամանակավորապես հանված և քվեարկության օրը գտնվելու վայրի հանրաքվեի տեղամասի քվեարկողների լրացուցիչ ցուցակում ընդգրկվածների թիվն 1471–ն է»,–նշված է հաղորդագրության մեջ։
ՀՀ հաշվառում չունեցող, քվեարկության օրը ՀՀ–ում գտնվելու վայրի մոտակա հանրաքվեի տեղամասի քվեարկողների լրացուցիչ ցուցակում ընդգրկված քաղաքացիների թիվը 38 է:
Երևանի քաղաքապետարանը կորոնավիրուսի պատճառով կաշխատի փակ ռեժիմով
Հիշեցնենք, որ այսօր` ժամը 15–ին, կառավարությունում տեղի կունենա արտահերթ նիստ, որի ժամանակ որոշում կկայացվի երկրում արտակարգ դրություն սահմանելու հարցը։ Երեկ ուղիղ եթերի ժամանակ ՀՀ վարչապետ Նիկոլ Փաշինյանը հայտնել էր, որ հանրաքվեն անցկացնելու կամ հետաձգելու հարցը ևս կքննարկվի։
Հայաստանում այսօրվա դրությամբ կորոնավիրուսով վարակված քաղաքացիները 30–ն են։
Ինչ իրավիճակ է աշխարհում կորոնավիրուսի տարածման առումով. նոր տվյալներ
