19:28 19 հունվարի 2021
Ուղիղ եթեր
  • USD519.31
  • GBP706.73
  • EUR629.40
  • RUB7.04
Հայաստան
Ստանալ կարճ հղումը
Կորոնավիրուսը աշխարհում (971)
833 0 0

ՀՀ առողջապահության նախարարը վստահեցնում է՝ գալու է մի պահ, որ կորոնավիրուսով վարակվածների թվերի հետևից չեն ընկնելու։

ԵՐԵՎԱՆ, 19 մարտի – Sputnik. Տղամարդիկ 2.5 անգամ ավելի շատ են մահանում կորոնավիրուսից, քան կանայք: Կառավարության լրատվական կենտրոնում կայացած ասուլիսի ժամանակ նման հայտարարություն արեց ՀՀ առողջապահության նախարար Արսեն Թորոսյանը։

«Կորոնավիրուսից մահացության դեպքերի միջին տարիքը 79.4 տարեկան է, որոնց մեծ մասը` 72 տոկոսը, տղամարդիկ են։ Դրա հիմնական պատճառը նրանց կենսաձևն է` տղամարդկանց մահացության մեծ թիվը կապված է ծխելու և ոչ լավ սննդակարգի հետ»,–ասաց նախարարը։

Թորոսյանի խոսքով` կորոնավիրուսից մահացության ցուցանիշներն ազգաբնակչության առողջական վիճակի հետ է կապված լինելու։

Հայաստանն ապահովված է սննդով, բայց գներն աճում են. վարչապետն առաջարկեց վերահսկել

Նախարարը նշեց, որ, մյուս կողմից, պետք է սովորենք այդ վիրուսի հետ ապրել կողք կողքի, ինչպես մյուս վիրուսների հետ։ Ավելին, ըստ նրա, գալու է մի պահ, որ կորոնավիրուսով վարակվածների թվերի հետևից չեն ընկնելու։

Հարցին, թե մեկ անգամ արդեն իսկ կորոնավիրուսով վարակվածը կարո՞ղ է երկրորդ անգամ վարակվել` Թորոսյանը պատասխանեց, որ, ամեն դեպքում, ոչ ոք չի կարող բացառել, թե չի կարող կրկնվել հիվանդությունը։ Սակայն կորոնավիրուսով վարակվելուց հետո օրգանիզմը որոշակի իմունիտետ է ձեռք բերում։

Հիշեցնենք, որ արդեն կորոնավիրուսով վարակվելու 122 դեպք կա Հայաստանում։

Ինչպես են իրենց զգում կորոնավիրուսով հիվանդ հայաստանցիները․ մանրամասնում է նախարարը

թեմա:
Կորոնավիրուսը աշխարհում (971)

Ըստ թեմայի

Լուիզա Ներսիսյանին կորոնավիրուսի կասկածանքով հիվանդանոց են տեղափոխել
Կորոնավիրուսով վարակված էջմիածնեցի տիկնոջ զարմիկը դատախազություն հաղորդում է ներկայացրել
Բուժքույրը վարակվել է կորոնավիրուսով. Թորոսյան
թեգերը:
ՀՀ Առողջապահության նախարարություն, Արսեն Թորոսյան, Հայաստան, կորոնավիրուս

Գլխավոր թեմաներ