14:51 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հայաստան
Ստանալ կարճ հղումը
Կորոնավիրուսը Հայաստանում և Արցախում (1503)
829 0 0

Կթույլատրվեն հյուրանոցների ծառայությունները, զենքի և զինամթերքի, խմիքչների, սննդամթերքի արտադրությունը։

ԵՐԵՎԱՆ, 24 մարտի — Sputnik. ՀՀ ամբողջ տարածքում մինչև մարտի 31-ը, ժամը 23:59-ն արգելվում է տնտեսական գործունեության տեսակներով զբաղվել. արտակարգ դրությունից ելնելով` նման որոշում է կայացրել ՀՀ փոխվարչապետ, գլխավոր պարետ Տիգրան Ավինյանը` ներկայացնելով նաև, թե ինչ բացառություններ են սահմանվում։ Որոշումն ուժի մեջ է մտնում հրապարակման պահից:

Այսպիսով, սահմանափակումների և բացառությունների ցանկում նշվում է, որ չի արգելվում տնտեսական գործունեության առանձին տեսակներով զբաղվել, եթե դրանք իրականացվում են բացառապես հեռավար/առցանց եղանակով։

Ինչ վերաբերում է սննդի առաքմանը, ապա դրա հետ կապված արգելքներ չկան։ Բացի այդ, թույլատրվում է կազմակերպություններին կից ճաշարանների և խորտկարանների աշխատանքը։

Չի արգելվում նաև մետաղադրամի միջոցով գործարկվող ինքնասպասարկման ավտոմատների ծառայությունները։

Հեռահաղորդակցության ոլորտի տնտեսվարողները քաղաքացիների սպասարկումն այս ընթացքում կիրականացնեն առցանց կամ հեռավար եղանակով. միայն անհրաժեշտությունից ելնելով սպասարկումը կարող է իրականացվել առաքման միջոցով։

Իսկ էլեկտրականության, գազի մատակարարմամբ, ինչպես նաև ջրամատակարարմամբ, կոյուղու, թափոնների կառավարմամբ ու վերամշակմամբ զբաղվողների գործունեությունն իրականացնում են անհրաժեշտ նվազագույն անձնակազմով՝ անհետաձգելի և վթարային աշխատանքներ իրականացնելու նպատակով։ Իսկ դրանց հետ կապված հայտերն ընդունվում են բացառապես հեռախոսակապի միջոցով կամ առցանց։

Ֆինանսական և ապահովագրական գործունեությամբ զբաղվողները նվազագույն ծավալով պետք է աշխատեն՝ կանխիկ դրամաշրջանառությունը ապահովելու և քաղաքացիների, իրավաբանական անձանց անհետաձգելի կարիքները բավարարելու նպատակով։

Պետական կառավարման և պաշտպանության, պարտադիր սոցիալական ապահովության հատվածի գործունեության հետ կապված կարգավորումները կսահմանվեն պարետի այսօրվա մեկ այլ որոշմամբ։

Բացի այդ, ՀՀ ողջ տարածքում չի արգելվի պարենային ապրանքների վաճառքի իրականացման առևտրի օբյեկտների, դեղատների, գյուղատնտեսական արտադրանքի շուկաների գործունեությունը։

Ինչպես նաև կթույլատրվեն տնտեսական գործունեության որոշ տեսակներ` գյուղատնտեսություն, հանքագործական արդյունաբերություն, սննդամթերքի և խմիչքների արտադրություն, հյուրանոցների ծառայությունները, զենքի և զինամթերքի արտադրությունը և այլն։

Հիշեցնենք` Հայաստանում մարտի 16-ին արտակարգ դրություն է հայտարարվել, որը կտևի մինչև ապրիլի 14-ը։

թեմա:
Կորոնավիրուսը Հայաստանում և Արցախում (1503)

Ըստ թեմայի

Բջջային հավելվածի միջոցով հնարավոր կլինի պարզել՝ կորոնավիրուսով վարակված եք, թե ոչ
Արտակարգ իրավիճակում բեռն ընկնում է գործատուների վրա. իսկ նրանք պատրա՞ստ են դրան
Երևանի մետրոյում մարդիկ քչացել են․ ինչպե՞ս են կորոնավիրուսի դեմ պայքարում «գետնի տակ»
թեգերը:
Արտակարգ դրություն, Տիգրան Ավինյան, աշխատանք, Հայաստան

Գլխավոր թեմաներ