06:38 13 օգոստոսի 2020
Ուղիղ եթեր
  • USD485.00
  • GBP632.83
  • EUR570.60
  • RUB6.64
Հայաստան
Ստանալ կարճ հղումը
Կորոնավիրուսը Հայաստանում և Արցախում (1359)
521 0 0

Արսեն Թորոսյանը հայտնեց, թե լուրերը, որ 2 ամսական մի երեխա է վարակվել կորոնավիրուսով, իրականությանը չեն համապատասխանում։

ԵՐԵՎԱՆ, 26 մարտի — Sputnik. Հայաստանում կորոնավիրուսով վարակված դպրոցահասակ երեխաներ կան, սակայն նրանց առողջական վիճակը լավ է, ախտանշաններ չկան: Կառավարության մամուլի կենտրոնում կայացած ասուլիսի ժամանակ տեղեկությունը հայտնեց ՀՀ առողջապահության նախարար Արսեն Թորոսյանը։

«Կորոնավիրուսով վարակված երեխաների շրջանում կյանքին վտանգ սպառնացող կամ նույնիսկ միջին ծանրության վիճակ չկա։ Իսկ թե քանի երեխա է կորոնավիրուսով վարակված, այս պահին թիվ ասել չեմ կարող»,–ասաց նախարարը։

Հարցին, թե ճի՞շտ են լուրերը, որ 2 ամսական մի երեխա է վարակվել կորոնավիրուսով, Թորոսյանը պատասխանեց, որ չկա նման դեպք։

Քանի երեխա կարելի է տեղափոխել ավտոմեքենայով. պարետի նոր որոշումը

Բացի այդ, նախարարը հայտնեց նաև, որ երբ ասում են երեխաները ռիսկային գոտում չեն, նկատի ունեն առողջ երեխաներին։

Մարտի 15-ին հայտնի դարձավ, որ կորոնավիրուսով վարակված մեկ դպրոցահասակ երեխա կա: Նա Էջմիածնի թիվ 4 դպրոցի երրորդ դասարանում է սովորում։ Մասնակցել էր Էջմիածնի հայտնի նշանադրությանը, որտեղ էլ կար Իտալիայից վերադարձած վարակակիր մի կին։

Երեխայի մոտ կորոնավիրուս ախտորոշելուց հետո մեկուսացվել են նրա 30 դասընկերները և 5 ուսուցիչ։ Նրանք, ինչպես հայտնի է, մեկուսացված են Ծաղկաձորում գտնվող ԵՊՀ հանգստյան տանը։

Հիշեցնենք՝ Հայաստանում կորոնավիրուսով վարակվածների թիվն այսօր ժամը 10։00-ի դրությամբ դարձել է 290, առողջացել է 18 քաղաքացի։ Փաստացի բուժման ընթացքում են գտնվում 272–ը։ 1440 մարդու թեստի պատասխանը բացասական է եղել, նրանք վարակված չեն։

Արցախում ժամանակավորապես դադարեցվում է պետական կառավարման մարմինների գործունեությունը

թեմա:
Կորոնավիրուսը Հայաստանում և Արցախում (1359)

Ըստ թեմայի

Օրվա կադր. «երկրի հերթապահ» ոստիկանը դուրս է եկել կորոնավիրուսի դեմ պայքարի առաջնագիծ
Կորոնավիրուսի պատճառով Երևանը դատարկվել է. լուսանկարներ
Կորոնավիրուսով հիվանդներից 2-ի վիճակը ծայրահեղ ծանր է. Թորոսյանը նոր տվյալներ է հայտնում
թեգերը:
Հայաստան, հիվանդանոց, դպրոց, երեխա, Արսեն Թորոսյան, կորոնավիրուս

Գլխավոր թեմաներ