12:20 18 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Հայաստան
Ստանալ կարճ հղումը
Կորոնավիրուսը Հայաստանում և Արցախում (1709)
596 0 0

Վերանայված վարկերի ընդհանուր ծավալը վարչապետ Նիկոլ Փաշինյանի տվյալներով՝ կազմում է շուրջ 200 միլիարդ դրամ:

ԵՐԵՎԱՆ, 27 մարտի – Sputnik. Հայաստանում հայտարարված արտակարգ դրության վերջին մեկ շաբաթվա ընթաքում՝ մարտի 20-ից 27-ը, Հայաստանի բանկերը վերանայել են 96 հազար 838 ֆիզիկական անձանց և 3 հազար 395 իրավաբանական անձանց վարկերի պայմաններ: Այս տվյալները Facebook-ում հրապարակել է ՀՀ վարչապետ Նիկոլ Փաշինյանը:

«Վերանայված վարկերի ճնշող մասի դեպքում բանկերը տվել են վարկային արձակուրդ՝ երբեմն մի քանի ամսով»,- հայտնում է վարչապետը:

Փաշինյանի տվյալներով՝ վերանայված վարկերի ընդհանուր ծավալը կազմում է շուրջ 200 միլիարդ դրամ:

Հիշեցնենք՝ կորոնավիրուսային իրավիճակով պայմանավորված՝ ԿԲ–ն ոչ միայն կոչ էր արել կողմերին փոխզիջումային տարբերակներ գտնել, այլև իջեցրել էր վերաֆինանսավորման տոկոսադրույքը։

Սա նշանակում է, որ այժմ բանկերը կարող են ԿԲ–ից գումար վերցնել ավելի մատչելի` 5,25%–ով, նախկին` 5,5%–ի փոխարեն։ Իսկ դա նշանակում է, որ ապագայում վարկերը կտրամադրվեն ավելի էժան տոկոսներով։

Նշենք, որ ՀՀ քաղաքացիական օրենսգրքի 372 հոդվածը հնարավորություն է տալիս մասնակի չեղարկել տույժերն ու տուգանքները, բայց միայն դատական կարգով և եթե դատարանը որոշի, որ վարկառուն չի կարողացել նորմալ վճարում կատարել ֆորսմաժորային իրավիճակի պատճառով։

Այսինքն՝ եթե բանկը չի համաձայնել արձակուրդ տալ, նրա որոշումը կարելի է բողոքարկել դատարանում։

Աշխատանք չկա, իսկ վարկերը մնացել են. ՀՀ քաղաքացիները հայտնվել են անորոշության մեջ

թեմա:
Կորոնավիրուսը Հայաստանում և Արցախում (1709)

Ըստ թեմայի

«Գյուղատնտեսական վարկերի տոկոսները կզրոյացվեն»․ Փաշինյան
Ինչի՞ կհանգեցնի վարկերի եռամսյակային սառեցումը․ Ճզմաչյանը՝ հնարավոր ռիսկերի մասին
Ի՞նչ է սպասում «Վարկս Էյ ԷՄ»–ից գումար վերցրածներին
թեգերը:
Արձակուրդ, կորոնավիրուս, վարկ, Կենտրոնական բանկ (ԿԲ), Բանկ

Գլխավոր թեմաներ