05:55 01 հունիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հայաստան
Ստանալ կարճ հղումը
Կորոնավիրուսը Հայաստանում և Արցախում (800)
680 0 0

Գյումրեցիները օրինապա՞շտ են, թե՞ ոչ, հետևու՞մ են պարետի հրահանգներին: Այս և արտակարգ դրության ռեժիմի պահպանման հետ կապված այլ հարցերի պատասխանները պարզելու համար Շիրակի մարզպետը շրջել է Գյումրու կենտրոնում:

ԵՐԵՎԱՆ, 27 մարտի –Sputnik. Շիրակի մարզպետ Տիգրան Պետրոսյանը, ՀՀ ոստիկանության Շիրակի մարզային վարչության պետի ժամանակավոր պաշտոնակատար Վահրամ Ենգոյանի հետ միասին, այսօր՝ մարտի 27-ին, շրջայց է կատարել Գյումրու կենտրոնում, զրուցել ինչպես ծառայություն իրականացնող ոստիկանների, այնպես էլ քաղաքացիների հետ՝ հորդորելով կատարել տեղաշարժի սահմանափակումների վերաբերյալ՝ պարետի որոշումը։

Քանի երեխա կարելի է տեղափոխել ավտոմեքենայով. պարետի նոր որոշումը

Губернатор Ширака Тигран Петросян совершает обход по центру Гюмри (27 марта 2020). Гюмри
Շիրակի մարզպետ Տիգրան Պետրոսյանը՝ շրջայցի ժամանակ

«Մարդիկ շատ գիտակից էին ու շատ հստակ էր ամեն ինչ: Այն մարդկանց, որոնց հարցրինք՝ բոլորի մոտ և՛ անձը հաստատող փաստաթուղթ, և՛ տեղաշարժի մասին թերթիկ կար»,- Sputnik Արմենիայի հետ զրույցում ասաց Տիգրան Պետրոսյանը:

Մարզպետը նշեց, որ շրջայցի ընթացքում այցելել են բանկեր, դեղատներ, խանութներ, խոսել մի շարք տնտեսվարողների և Գյումրու կենտրոնական շուկայում առևտրով զբաղվողների հետ։

Губернатор Ширака Тигран Петросян совершает обход по центру Гюмри (27 марта 2020). Гюмри
Շիրակի մարզպետ Տիգրան Պետրոսյանը՝ շրջայցի ժամանակ

Խնդիրներ են նկատել շուկայում՝ կապված հիգիենայի կանոնների պահպանման հետ:

Губернатор Ширака Тигран Петросян (справа) совершает обход по центру Гюмри (27 марта 2020). Гюмри
Շիրակի մարզպետ Տիգրան Պետրոսյանն ու ՀՀ ոստիկանության Շիրակի մարզային վարչության պետի ժամանակավոր պաշտոնակատար Վահրամ Ենգոյանը շրջայց են կատարել Գյումրիում

Պատասխանատուները քաղաքացիների հետ զրույցում հերթական անգամ կոչ են արել տնից դուրս գալ ծայրահեղ անհրաժեշտության դեպքում, իսկ շուկայի աշխատողներին հորդորել անպայման հետևել հիգիենայի կանոններին:

Հիշեցնենք, որ կորոնավիրուսի կանխարգելման նպատակով Հայաստանում մարտի 16–ից ապրիլի 14–ն արտակարգ դրություն է հայտարարվել։ Մարտի 25-ից սահմանափակվել է մարդկանց ազատ տեղաշարժի իրավունքը: Տնից դուրս գալ կարելի է միայն անձը հաստատող փաստաթղթով և լրացրած ձևաթղթով՝ ծայրահեղ անհրաժեշտության դեպքում: Ավելի վաղ Ավինյանը որոշում էր կայացրել, որ պետք է գործեն միայն դեղատները, պարենային խանութներն ու գյուղատնտեսական շուկաները։

«Ես նման բան երբեք չէի տեսել». գյումրեցիները կատարում են պարետի հրահանգը. լուսանկարներ

թեմա:
Կորոնավիրուսը Հայաստանում և Արցախում (800)

Ըստ թեմայի

Գյումրու ինֆեկցիոն հիվանդանոցն աշխատում է արտակարգ ռեժիմով. լուսանկարներ
Կորոնավիրուսի պատճառով Գյումրու փողոցներն էլ են դատարկվել
Գյումրեցին արտակարգ պայմաններում էլ է անմիջական առևտուր սիրում, առաքում՝ ոչ
թեգերը:
կորոնավիրուս, Արտակարգ դրություն, Մարզպետ, Տիգրան Պետրոսյան, Շիրակի մարզ, Գյումրի

Գլխավոր թեմաներ