04:55 14 հուլիսի 2020
Ուղիղ եթեր
  • USD486.54
  • GBP613.24
  • EUR550.71
  • RUB6.86
Հայաստան
Ստանալ կարճ հղումը
Կորոնավիրուսը Հայաստանում և Արցախում (1240)
618 0 0

ԱՆ խոսնակը նաև լավ լուր է հաղորդել՝ ևս երկու հիվանդ լիովին ապաքինվել և դուրս են գրվել հիվանդանոցից, առողջացածների թիվն արդեն 30 է։

ԵՐԵՎԱՆ, 28 մարտի- Sputnik. Այս պահին Հայաստանում կորոնավիրուսով վարակված հիվանդների մի մասի վիճակը բժիշկները գնահատում են ծանր։ Թոքաբորբով 13 հիվանդ այս պահին վերակենդանացման բաժանմունքում են։ Առողջապահության նախարարի մամուլի խոսնակ Ալինա Նիկողոսյանը Facebook-ի իր էջում նոր տեղեկություններ է հրապարակել հիվանդների առողջական վիճակի մասին։

«Այս պահի դրությամբ ինֆեկցիոն հիվանդանոցի ինտենսիվ թերապիայի բաժանմունքում բժշկական օգնություն և սպասարկում է ստանում թոքաբորբով 13 պացիենտ, որոնցից 2-ի վիճակը բժիշկները գնահատում են ծայրահեղ ծանր (ինտուբացված են)»,- գրել է Նիկողոսյանը։

Կորոնավիրուսը դեռ կանգ չի առնում. Հայաստանում արդեն վարակի 372 դեպք է գրանցվել

Նրա տեղեկություններով՝ ևս 2 հիվանդի վիճակը բժիշկները գնահատում են ծանր (հարաբերական կայուն), մնացած 9-ինը՝ կայուն ծանր։
ԱՆ խոսնակը նաև լավ լուր է հաղորդել՝ առողջացածների թիվն արդեն 30 է։ Հիվանդանոցում բուժվող 2 քաղաքացու մոտ կորոնավիրուսային հիվանդության կրկնակի թեստ է անցկացվել. արդյունքները բացասական են եղել։ Նրանք արդեն դուրս են գրվել հիվանդանոցից։

Հիշեցնենք` մարտի 26-ին Հայաստանում գրանցվեց կորոնավիրուսից մահանալու առաջին դեպքը։

Այսօրվա դրությամբ Հայաստանում կորոնավիրուսով վարակվածների թիվը 372 է։

թեմա:
Կորոնավիրուսը Հայաստանում և Արցախում (1240)

Ըստ թեմայի

Որ մարզում կորոնավիրուսով վարակման քանի դեպք է գրանցվել. քարտեզը պատրաստ է
Կորոնավիրուսից մահացածի հուղարկավորությունը կկատարվի համաճարակաբանական ցուցումներով
Ռուսաստանում կորոնավիրուսի բուժման դեղամիջոց են ստեղծել
թեգերը:
ՀՀ Առողջապահության նախարարություն, Առողջապահության համաշխարհային կազմակերպություն (ԱՀԿ), հիվանդ, Հայաստան, կորոնավիրուս

Գլխավոր թեմաներ