15:22 30 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հայաստան
Ստանալ կարճ հղումը
658 0 0

Վարչապետը նշեց, որ կորոնավիրուսի տարածումը թույլ չտալու, վիճակը կառավարելի պահելու և մեր առողջապահական համակարգը անհաղթահարելի, անտանելի ծանրաբեռնվածության չենթարկելու համար անհրաժեշտ է պահպանել պարետատան սահմանած ռեժիմը։

ԵՐԵՎԱՆ, 28 մարտի- Sputnik. Կորոնավիրուսի հետ կապված վիճակը բավականին լարված է։ Աճ ենք ունենում։ Այսօր էլ մոտավորապես երեսունհինգ նոր ախտորոշում ենք ունեցել։ Րոպեներ առաջ Facebook-ի ուղիղ եթերում նման հայտարարություն արեց ՀՀ վարչապետ Նիկոլ Փաշինյանը՝ հավելելով, որ վիճակը դեռևս համարվում է կառավարելի։

Վարչապետը նշեց, որ կարևոր է այս մեկ շաբաթվա ընթացքում խիստ պահպանել պարետատան սահմանած ռեժիմը, հետևել սահմանափակումներին՝ կորոնավիրուսի տարածումը թույլ չտալու, վիճակը կառավարելի պահելու և մեր առողջապահական համակարգը անհաղթահարելի, անտանելի ծանրաբեռնվածության չենթարկելու համար։

ՌԴ–ի ընդունած նոր սահմանափակումները չեն ազդելու բեռնափոխադրումների վրա. Փաշինյան

Աշխարհի բոլոր երկրներին վարչապետը կորոնավիրուսի դեմ այս պայքարում հաջողություն մաղթեց։

«Կորոնավիրուսը դարձավ այն փորձաքարը, որ ստիպեց երկրներին առանձին-առանձին գործել»,-ասաց Փաշինյանը՝ հավելելով, որ ժամանակն է, որպեսզի միջազգային հանրությունը քննարկի ավելի միասնական գործողություններ մշակելու ծրագիր, քանի որ դրանք ավելի արդյունավետ կարող են լինել։

Հիշեցնենք` Հայաստանում կորոնավիրուսով վարակվածների թիվը այսօր առավոտվա տվյալներով 372 էր։ Բուժվածները 28-ն էին, փաստացի բուժվողները՝ 344-ը, 2172 թեստի պատասխանները բացասական էին եղել: Ունենք մահվան 1 դեպք:

2 հիվանդի վիճակը ծայրահեղ ծանր է, թոքաբորբով ուղեկցվող 13 հիվանդ վերակենդանացման բաժանմունքում են։

Կորոնավիրուսը դեռ կանգ չի առնում. Հայաստանում արդեն վարակի 372 դեպք է գրանցվել

Ըստ թեմայի

Ռուսաստանում կորոնավիրուսի բուժման դեղամիջոց են ստեղծել
Թեստի պատասխանը դրական է. համաճարակաբան Արփիկ Հասրաթյանը կորոնավիրուսից է մահացել
Հայաստանում կորոնավիրուսով հիվանդներից 2-ի վիճակը ծայրահեղ ծանր է
թեգերը:
Նիկոլ Փաշինյան, Հայաստան, կորոնավիրուս

Գլխավոր թեմաներ